ஜோடி தேடுறீங்களா... குளிரை விட கோடைதான் பெஸ்ட்!

இந்த ஆய்வை நடத்திய பிரெஞ்சு ஆய்வாளர்கள், கவர்ச்சிகரமான ஆண்களைத் தேர்வு செய்தனர். பின்னர் அவர்களை 500 பெண்களிடம் பழக அனுப்பி வைத்தனர். இரண்டு நகரங்களில் கடந்த மே மற்றும் ஜூன் மாதம் இந்த ஆய்வு நடைபெற்றது.

குறைந்த தட்பவெப்பம் நிலவிய நாளிலும், அதிக வெயில் அடித்த நாளிலும் இந்த ஆய்வுக்காக ஆண்கள் அனுப்பப்பட்டனர்.

காலை 9 மணியிலிருந்து பிற்பகல் 1 மணி வரையிலான நேரத்தில் ஐந்து பேர் கொண்ட குழுவை ஒரு இடத்திற்கு அனுப்பி வைத்து ஆய்வு செய்தனர். இவர்கள் பெண்களை அணுகி அவர்களிடம் அறிமுகம் செய்து கொண்டு ஐஸ் வைத்துப் பேசி நட்பு பிடிக்க முயற்சித்தனர்.

இப்படி போன ஆண்களிடம் நல்ல வெயில் அடித்த நாட்களில்தான் பெரும்பாலான பெண்கள் அதாவது 20 சதவீதத்திற்கும் மேலான பெண்கள் ஆண்களின் நட்பை ஏற்றுக் கொண்டு தங்களின் மொபைல் எண்களைக் கொடுத்தார்களாம். 13.9 சதவீதம் பேர் மட்டுமே வெயில் குறைவாக அடித்த நேரத்தில் மொபைல் எண்களைக் கொடுத்தனராம்.

இது பிரான்சில் நடந்த ஆய்வு.. நம்ம ஊர் கணக்கு எப்பவுமே வித்தியாசமாகத்தானே இருக்கும்.