பிரான்ஸில் 12ம் ஆண்டு கம்பன் விழா: 2 நாள் கோலாகல கொண்டாட்டம்

பாரீஸ்: பிரான்ஸ் கம்பன் கழகத்தின் 12ம் ஆண்டு விழா வரும் 14 மற்றும் 15 ஆகிய தேதிகளில் நடைபெறுகிறது.

பிரான்ஸ் கம்பன் கழகத்தின் 12ம் ஆண்டு விழா வரும் 14 மற்றும் 15 ஆகிய இரண்டு தினங்கள் கொண்டாடப்படுகிறது.

கம்பன் தமிழ் பாடும் பணியைச் சிறப்புறச் செய்ய தமிழக்தில் இருந்து அறிஞர்கள் பலர் பிரான்ஸ் வருகின்றனர். இரண்டு நாள் கொண்டாட்டத்தின்போது சிறப்புரை, ஆய்வுரை, தேனுரை, எழிலுரை, பட்டி மண்டபம், சுழலும் சொற்போர், வழக்காடு மன்றம், கவிமலர், தமிழிசை, நாட்டியம் ஆகிய நிகழ்ச்சிகள் நடைபெறுகின்றன.

சென்னையில் இருந்து வரும் அருட்சொல் அரசு டி.ஏ. ஜோசப் மற்றும் முனைவர் பர்வீன் சுல்தானா ஆகியோர் சிறப்பு சொற்பொழிவாற்றுகின்றனர். பாசத்தில் சிறந்தவன் பரதனா? இலக்குவனனா? என்ற தலைப்பில் பர்வீன் சுல்தானா தலைமையில் பட்டி மண்டபம் நடைபெறுகிறது.

இந்த நிகழ்ச்சியில் பிரான்ஸ் வாழ் தமிழர்கள் கலந்துகொள்ளுமாறு கேட்டுக் கொள்ளப்படுகிறார்கள்.