2012ல் கோலிவுட்டை கலக்கிய டாப் 5 கிசுகிசுக்கள்

பிரபுதேவாவைப் பிரிந்த நயன்தாரா மீண்டும் சிம்புவுடன் சேர்ந்துவிட்டார். அவர்களிடையே மீண்டும் காதல் துளிர்விட்டுள்ளது என்ற கிசுகிசு பலரையும் ஆச்சரியப்பட வைத்தது. சரி நயனுக்கும் சிம்பு தான் போல என்றும் நினைக்கத் தோன்றியது. ஆனால் அது உண்மையில்லை என்று பின்பு தான் தெரிய வந்தது.

நயன்தாராவின் காதலர் சிம்பு இல்லையாம் ஆர்யாவாம் என்று ஒரே பேச்சாகக் கிடந்தது. ஆனால் சம்பந்தப்பட்டவர்கள் என்னவோ இதைப் பற்றிக் கண்டுகொள்ளவே இல்லை. அதன் பிறகு அனைவரும் தங்கள் கவனத்தை வேறு பக்கம் திருப்பிவிட்டனர்.

3 படத்தில் நடித்தபோது தனுஷுக்கும், ஸ்ருதிக்கும் இடையே காதல் தீ பற்றிக் கொண்டது. பெவிகால் போட்டு ஒட்டிய மாதிரி இருவரும் உள்ளனர் என்ற பேச்சு கிளம்பியது. ஆனால் அந்த கிசுகிசு வந்த வேகத்தில் காணாமல் போனது.

சரத்குமாரின் மகள் வரலட்சுமியும் விஷாலும் காதலிக்கின்றனர். ராதிகா தன் மீது மோசடி வழக்கு போட்டதால் அவரை பழிவாங்க விஷால் வரலட்சுமியை காதலிப்பதாகக் கூறப்பட்டது. ஆனால் அதன் பிறகு அவர்கள் பற்றிய பேச்சையே காணோம்.