அது வீட்டுக்கு, இது கல்வி சேவைக்கு! சூர்யாவின் கணக்கு

காபி பொடியோ, பல்பொடியோ, எண்ணெயோ, சிமெண்டோ சூர்யாதான் டாப் மாடல். தலைக்கு தேய்க்கும் எண்ணெய் தொடங்கி புதிதாக நகைக்கடை விளம்பரம் வரைக்கும் மாடலாக வந்து வாங்கச்சொல்லுகிறார் சூர்யா. சினிமாவில் மட்டுமல்லாது விளம்பரங்களில் சூர்யா அதிக அளவில் கவனம் செலுத்த காரணம் அகரம் பவுண்டேசன்தான் என்று தெரியவந்துள்ளது.

முன்னணி நடிகர் விளம்பரங்களிலோ, நிகழ்ச்சிகளிலோ நடிக்க தயக்கம் காட்டும் நிலையில் சூர்யா அதிக அளவில் விளம்பரப்படங்களில் நடித்து வருகிறார். சினிமாவில் கோடிக்கணக்கில் சம்பாதித்தாலும் இப்படி ஒரு விளம்பரம் கூட விடாமல் சூர்யா சம்பாதிக்கிறார் என்று விமர்சனம் எழுந்து வருகிறது. இதற்கு முற்றுப்புள்ளி வைக்கும் வகையில் பதில் கொடுத்துள்ளார் சூர்யா.

ஏழை மாணவர்களின் கல்விக்காக'அகரம்' என்ற தொண்டு நிறுவனத்தை எனது மனைவி மற்றும் விஜய் உட்பட சில நடிகர்களின் உதவியுடன் தொடங்கி, உதவி செய்து வருகிறேன். நான் படங்களில் சம்பாதிப்பது எனது குடும்பத்திற்கு என்றால், விளம்பரங்களில் சம்பாதிப்பது முழுவதையும் ஆதரவற்ற குழந்தைகளுக்கும் ஆசிரமங்களுக்கும் தான் கொடுக்கிறேன் என்று கூறியுள்ளார் சூர்யா.

விமர்சனத்தை விட்டுத்தள்ளுங்க சூர்யா!