More Tamil Updates on: http://m.oneindia.in/tamil/
மும்பை: விஸ்வரூபம் பிரச்சனையில் கமல் ஹாசனுக்கு ஆதரவு தெரிவித்துள்ளார் பாலிவுட் நடிகர் சல்மான் கான்.
விஸ்வரூபம் படத்திற்கு தமிழக அரசு தடை விதித்துள்ளது. அந்த தடையை நீக்கி படத்தை ரிலீஸ் செய்ய கமல் போராடிக் கொண்டிருக்கிறார். அவருக்கு திரைத்துறையினர் ஆதரவாக உள்ளனர். இந்நிலையில் பாலிவுட்டின் வசூல் மன்னன் சல்மான் கான் விஸ்வரூபம் பற்றி ட்விட்டரில் கருத்து தெரிவித்துள்ளார்.
சல்மானின் ட்வீட்:
கலையை மதியுங்கள், கலைஞனை மதியுங்கள், ரசிகர்களை மதியுங்கள். நான் கமல் ஹாசனை ஆதரிக்கிறேன். சென்சார் போர்டு படத்திற்கு அனுமதி அளித்துவிட்டதல்லவா. 100 சதவீதம் நான் அதைப் பார்க்கப் போகிறேன். படங்கள் நல்ல படம், மோசமான படம் என்று 2 வகைப்படும். படம் ஹிட்டா, தோல்வியா என்பதை டிக்கெட் வாங்கும் மக்கள் தான் முடிவு செய்ய வேண்டும் என்று தெரிவித்துள்ளார்.
