More Tamil Updates on: http://m.oneindia.in/tamil/
மும்பை: விஸ்வரூபம் படம் எப்பொழுது ரிலீஸ் ஆகும் என்ற கவலையில் உள்ளாராம் பாலிவுட் நடிகர் ஷாருக்கான்.
பல பிரச்சனைகளில் சிக்கித் தவிக்கும் விஸ்வரூபம் படம் எப்பொழுது தமிழகத்தில் ரிலீஸ் ஆகும் என்று கமல் மட்டுமல்ல இன்னொரு பிரபலமும் கவலையாக உள்ளாராம். அவர் வேறு யாருமல்ல பாலிவுட் நடிகர் ஷாருக்கான் தான். கமல் படம் ரிலீஸாவது பற்றி அவருக்கு என்ன கவலை என்று நீங்கள் நினைக்கலாம்.
விஸ்வரூபத்திற்கு ஷாருக்கின் ரெட் சில்லீஸ் நிறுவனம் தான் கிராபிக்ஸ் செய்து கொடுத்துள்ளது. அதனால் தான் மனிதர் கவலையில் உள்ளார். இந்நிலையில் விஸ்வரூபம் பிரச்சனை தொடர்பாக முஸ்லிம் அமைப்புகளுடன் கமலின் அண்ணன் சந்திரஹாசன் இன்று முதல் கட்ட பேச்சுவார்த்தை நடத்தினார். இரண்டாவது கட்ட பேச்சுவார்த்தை இன்று மாலை நடைபெறுகிறது.
விஸ்வரூபம் படத்தில் முஸ்லிம்களை புண்படுத்தும் வகையில் காட்சிகள் இருப்பதாக தமிழகத்தில் உள்ள முஸ்லிம் அமைப்புகள் போர்க்கொடி தூக்கின. இந்நிலையில் தமிழக அரசு அப்படத்திற்கு 2 வார தடை விதித்தது என்பது குறிப்பிடத்தக்கது.
