விஜயும், ரயிலும், சூப்பர் ஹிட் படங்களும்...

ஒரு இடுப்பால இவ்வளவு பிரச்சனையா என்ற கேள்வி எழுந்த குஷியிலும் ரயில் காட்சி உள்ளது.

கில்லி படத்தில் ஐ லவ் யூ டா செல்லம் என்று பிரகாஷ் ராஜ் த்ரிஷாவைப் பார்த்து கூறிய சீன் படு பிரபலம். அட இந்த படத்திலும் ரயில் காட்சி உள்ளதே. கில்லி அணி மதுரைக்கு ரயிலில் வந்து இறங்குவார்களே..

திருப்பாச்சி படத்தில் தங்கை நிம்மதியாக வாழ சென்னையில் உள்ள அனைத்து ரவுடிகளை அழிப்பார் விஜய். இதிலும் ரயில் காட்சி உள்ளது. தங்கையை ரயிலில் ஏற்றி ஊருக்கு அனுப்பி வைப்பாரே.

பிரபுதேவா இயக்கத்தில் விஜய் அசினுடன் நடித்த போக்கிரியிலும் ரயில் காட்சி உள்ளது.

வில்லு, வேட்டைக்காரன், சுறா ஆகிய படங்கள் தோல்வி அடைந்தபோது விஜய்க்கு கை கொடுத்த காவலன் படத்திலும் ரயில் காட்சி உள்ளது.

அண்ணன் தங்கை பாசத்தை மையமாக வைத்து எடுக்கப்பட்ட வேலாயுதம் படத்தில் ரயிலில் அரிவாளை வைத்து சீட் போடும் புதிய டெக்னிக்கை கற்றுக்கொடுத்தார் விஜய்.

இந்தி படமான 3 இடியட்ஸின் தமிழ் ரீமேக்கான நண்பன் படத்தில் விஜய் பஞ்ச் டயலாக் பேசாமல் நடித்திருந்தார். இதிலும் ரயில் காட்சி உள்ளது.

ஏ.ஆர். முருகதாஸ் இயக்கத்தில் விஜய் ராணுவ வீரராக நடித்த துப்பாக்கி படத்தில் துவக்க காட்சியிலேயே ரயில் வரும்.