மீண்டும் ரசிகர் மன்றம் துவங்குகிறார் அஜீத்!

அஜீத்

ரசிகர் மன்றங்களை பலம் என்று கருதும் நடிகர்கள் மத்தியில் அஜீத் வித்தியாசமானவர். ரசிகர் மன்றத்திற்குள் அரசியல் நுழைவதை கண்ட அவர் உடனடியாக மன்றங்களை கலைத்து அதிரடி நடவடிக்கை எடுத்தார்.

ரசிகர்கள்

அஜீத் ரசிகர் மன்றங்களை கலைத்தபோதிலும் அவரது ரசிகர்கள் அவர் படங்கள் ரிலீஸாகும்போது தங்களின் சொந்த செலவில் போஸ்டர் அடிப்பது, கட் அவுட் வைப்பது என்று செய்து வருகின்றனர்.

நெருடல்

மன்றத்தை கலைத்த போதிலும் ரசிகர்களின் தொடர் ஆதரவு அஜீத்துக்கு ஒரு நெருடலை ஏற்படுத்தியுள்ளது. மன்றத்தை கலைத்தும் என் மீது இவ்வளவு பாசமா என்று அஜீத் நெகிழ்ந்துள்ளார்.

மீண்டும் ரசிகர் மன்றம்

ரசிகர்கள் தன் மீது வைத்துள்ள அன்பை பார்த்து அஜீத் மீண்டும் ரசிகர் மன்றத்தை துவங்கலாமா என்று ஆலோசித்து வருகிறாராம்.

விதிமுறைகள்

மீண்டும் ரசிகர் மன்றத்தை துவங்கினால் உறுப்பினர்களுக்கு பல்வேறு கன்டிஷன்களை போடப்போகிறாராம் அஜீத். அதாவது மன்றம் நற்பணிகளை செய்ய வேண்டுமே தவிர எந்த ஒரு அரசியல் கட்சிக்கும் ஆதரவாக செயல்படக் கூடாது, அரசியல் கட்சி கொடிகளுடன் மன்ற கொடியை சேர்த்து பறக்க விடக்கூடாது உள்ளிட்ட கன்டிஷன்களை போடவிருக்கிறாராம் அஜீத்.