சிம்பு, தனுஷுக்கு என்னை பிடிக்கும், ஆனால் எனக்கோ அவர்களை ரொம்ப பிடிக்கும்: விஜய்

By Siva

| Published: Monday, June 23, 2014, 13:36 [IST]

சென்னை: விஜய் இளம் நடிகர்களான சிம்பு மற்றும் தனுஷ் குறித்து மனம் திறந்துள்ளார்.

விஜய் எப்பொழுதுமே அமைதியாக இருப்பவர். படப்பிடிப்புக்கு வந்தால் கூட அவர் அதிகம் பேச மாட்டார், அமைதியாகத் தான் இருப்பார் என்று சக நடிகர், நடிகைகள் தெரிவித்துள்ளனர்.

ஆனால் நட்பு என்று வரும்போது அவர் மனம் திறந்து பேசத் தவறுவது இல்லை.

சிம்பு, தனுஷ்

இளம் தலைமுறை நடிகர்களான சிம்பு, தனுஷ் பற்றி என்ன நினைக்கிறீர்கள் என்று கேட்டதற்கு விஜய் கூறுகையில், அவர்களுக்கு என்னை பிடிக்கும். எனக்கு அவர்களை ரொம்ப பிடிக்கும் என்றார்.

பார்ட்டி

கடந்த சில மாதங்களுக்கு முன்பு சிம்பு, தனுஷ், விஜய் ஆகியோர் இரவு நேர பார்ட்டியில் கலந்து கொண்டு புகைப்படம் எடுத்து அதை ட்விட்டரில் வெளியிட்டனர் என்பது குறிப்பிடத்தக்கது.