பிகினி, முத்தம் ம்ஹூம்: சோனாக்ஷி

பிகினி, முத்தக் காட்சி மற்றும் நெருக்கமான காட்சிகளில் நடிக்க மாட்டேன் என்று பாலிவுட் நடிகை சோனாக்ஷி சின்ஹா கன்டிஷன் போட்டுள்ளார்.

பாலிவுட் படங்களில் ஹீரோயின் பிகினியில் வருவது தான் லேட்டஸ்ட் பேஷன். இந்த பிகினி காட்சியில் நடிக்க நடிகைகளும் ஆர்வமாக உள்ளனர். தீபிகா படுகோனே கூட சயீப் அலி கானுடன் நடித்து வரும் படத்தில் சிவப்பு நிற பிகினியில் வருகிறார். இப்படி ஆளாளுக்கு போட்டி போட்டு நடிக்கும் பிகினி காட்சிக்கு தபாங் நாயகி சோனாக்ஷி சின்ஹா தடா போட்டுள்ளார்.

பிகினி மட்டுமல்ல முத்தம் மற்றும் நெருக்கமான காட்சிகளிலும் அவர் நடிக்க மாட்டாராம்.

இது குறித்து அவர் கூறுகையில்,

நான் பிகினி அணிந்து நடிக்க மாட்டேன். நான் முழுதாக போர்த்திக் கொண்டு நடித்துள்ளதை ரசிகர்கள் ஏற்றுக் கொண்டுள்ளனர். அப்படி இருக்கையில் பிகினியில் நடிக்க வேண்டியதில்லை. மேலும் முத்தம் மற்றும் நெருக்கமான காட்சிகளிலும் நடிக்க மாட்டேன். நான் அந்த மாதிரியான ஆள் இல்லை என்றார்.

சோனாக்ஷி அறிமுகமான தபாங் படத்தில் கிராமத்து பெண்ணாக சேலையில் வந்தார் என்பது குறிப்பிடத்தக்கது.