ஹைதராபாத்தில் பிச்சை எடுத்த வித்யா பாலன்...!

தியா மிர்ஸாவின் பாபி ஜஸூஸ்

தியா மிர்ஸா தயாரிப்பில் உருவாகும் படம்தான் பாபி ஜஸூஸ்.

பெண் துப்பறியும் நிபுணர்

படத்தில் பெண் துப்பறியும் நிபுணராக வருகிறார் வித்யா பாலன்.

வித்தியாசமான நடிப்பு

இதுவரை நடித்த படங்களை விட இது மிகவும் வித்தியாசமானதாக இருக்கும் என்று கூறும் வித்யா, இந்தப் படத்திற்காக ஹோம் ஒர்க் செய்து நிறைய ஸ்டடி செய்து நடித்து வருகிறாராம்.

பிச்சைக்கார கெட்டப்

படத்தில் ஒரு காட்சியில் பிச்சைக்காரப் பெண்ணாக நடிக்க வேண்டியிருந்ததால் மேக்கப் மூலம் அசல் பிச்சைக்காரப் பெண்ணாக வித்யாவை மாற்றி விட்டன். வித்யாவும் பிச்சைக்காரப் பெண்கள் எப்படி இருப்பார்களோ அதேபோல மேனரிசம் உள்பட அப்படியே தத்ரூபமாக மாறி விட்டாராம்.

அடையாளமே தெரியவில்லை

பிச்சைக்கார கெட்டப்புடன் ஹைதராபாத் ரயில் நிலையத்திற்கு வெளியே உட்கார வைத்து விட்டனர் வித்யாவை. யாருக்குமே சுத்தமாக அவரை அடையாளம் தெரியவில்லையாம். அப்படி ஒரு பிச்சைக்கார களை அவருக்கு வந்து விட்டதாம்.

காசு போட்டு திட்டிய பெண்

அதை விட காமெடி என்னவென்றால், வித்யாவைப் பார்த்து காசு போட்ட ஒரு பெண், நல்லாத்தானே இருக்கே, எதுக்கு பிச்சை எடுக்கிற, ஏதாவது வேலை பார்த்து உழைத்துப் பிழைக்கக் கூடாது என்று நன்றாக திட்டிவிட்டுப் போனாராம்.