twitter
    For Quick Alerts
    ALLOW NOTIFICATIONS  
    For Daily Alerts

    வதந்தியில் உயிர் தப்பி.. விபத்தில் பலியான பால்வாக்கர்!

    By Sudha
    |

    Paul Walker's accident: Death hoax on Friday, dead on Saturday
    லாஸ் ஏஞ்சலெஸ்: ஹாலிவுட் நடிகர் பால்வாக்கர் இறந்து விட்டதாக வெள்ளிக்கிழமைதான் வதந்தி பரவியிருந்தது. ஆனால் அவர் அப்போது உயிருடன்தான் இருந்தார். ஆனால் மறு நாளே அவர் விபத்தில் சிக்கி உயிரிழந்தது அவரது ரசிகர்களை சிதறடித்துள்ளது.

    உலகெங்கும் பெருமளவிலான ரசிகர்களைக் கொண்டுள்ள பால்வாக்கரின் இந்த அகால மரணம் அவரது ரசிகர்களை பெரும் சோகத்தில் ஆழ்த்தியுள்ளது. அவரது ரசிகர்கள் பெரும் துயரத்தில் மூழ்கியள்ளனர்.

    இந்த துயரத்திற்குக் காரணம், வெள்ளிக்கிழமைதான் பால் வாக்கர் குறித்து வதந்தி பரவியது. அவர் இறந்து விட்டதாக அந்த வதந்தி கூறியது. இதனால் ரசிகர்கள் அதிர்ச்சி அடைந்தனர். ஆனால் பின்னர் இது வதந்தி என்று தெரியவரவே அவர்கள் நிம்மதிப் பெருமூச்சு விட்டனர். ஆனால் அடுத்த நாளே பால்வாக்கர் விபத்தில் மரணமடைந்தது அவர்களை அதிர வைத்துள்ளது.

    வெள்ளிக்கிழமையன்று ஒரு சமூக வலைத்தளத்தில் 'R.I.P. Paul Walker' என்று போட்டு சிலர் வதந்தி கிளப்பியிருந்தனர். இந்தப் பக்கத்தை கிட்டத்தட்ட 10 லட்சம் பேர் பார்த்து லைக் கொடுத்திருந்தனர். அந்த பக்கத்தில் நவம்பர் 30ம் தேதி முற்பகல் 11 மணிக்கு பால்வாக்கர் இறந்து விட்டதாகவும் கூறப்பட்டிருந்தது. இதைப் பார்த்து அதிர்ச்சி அடைந்த ரசிகர்கள் இரங்கல் தெரிவித்து செய்தியும் அதில் வெளியிட்டிருந்தனர். ஆனால் பின்னர் இது வதந்தி என்று தெரிய வந்தது.

    பால்வாக்கரின் பிரதிநிதிகள், இது வதந்தியான செய்தி. யாரும் நம்ப வேண்டாம் என்று உடனடியாக மறுத்திருந்தனர். ஆனால் அடுத்த நாளே பால் வாக்கரின் மரணச் செய்தியை அதே பிரதிநிதிகள் வெளியிட்டபோது ரசிகர்கள் அடைந்த வேதனைக்கு அளவே இல்லை.

    English summary
    It might seem like a cruel quirk of fate, but rumours of Paul Walker's death spread as early as Friday when a social networking page 'R.I.P. Paul Walker' attracted nearly one million likes. Giving a very specific time of death (Nov 30, 11 am ET), the page saw fans reacting with messages of condolence by the hundreds.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X