கவர்ச்சிப் பொறி பறக்கும் குத்துப் பாட்டு... மிரள வைத்த ஜூவாலா கட்டா

முதலில் குத்துப் பாட்டுக்கு ஆடுவதா என்று தயங்கினாராம் ஜூவாலா. ஆனால் கதையைக் கேட்டதும், குத்துப்பாட்டின் முக்கியத்துவம் அறிந்ததும் சரி என்று தலையை ஆட்டி விட்டாராம்.

பாடல் குறித்து ஜூவாலா கூறுகையில் இது மிகவும் ஜாலியான, பெப்பியான பாடல். நினைத்தாலே சிரிப்பு வருகிறது என்றுசிரித்தார்.

முதலில் டான்ஸில் சற்று கூச்சம் காட்டினாராம் ஜூவாலா. இருப்பினும் மற்ற டான்ஸர்கள், நிதின் ஆகியோர் கொடுத்த தைரியத்தால் வெட்கம், கூச்சம் களைந்து புகுந்து விளையாடி விட்டாராம்.

இந்தப் பாடலுக்காக ஜூவாலாவை கவர்ச்சி மங்கையாக மாற்றினர். நீல நிற உடையில், ஜில்லென்று காட்சி தருகிறார் ஜூவாலா. கூட ஆடிய நடன மங்கையருக்கும் கவர்ச்சிகரமான உடையே.

இந்தப் படம் ஒரு ரொமான்டிக் திரில்லராம். விஜய் குமார் கோண்டா இயக்குகிறார். நிதினுக்கு ஜோடியாக நடிப்பவர் நித்யா மேனன்.

பேட்மிண்டன் களத்தை தனது கவர்ச்சியாலும், ஆட்டத்தாலும் கலக்கியவரான ஜூவாலா, இந்தக் குத்துப்பாட்டில் என்ன மேட்டர் வைத்திருக்கிறார் என்பதை படம் வந்த பின்னர்தான் அறிய முடியும்.. பிறகென்ன காத்திருப்போம்.