''ஆர்யா-அமலாபால் திடீர் திருமணம்'''

மணக்கோலத்தில் அமலாபால்

ஆர்யா, அமலாபால் ஆகியோர் திருமணக் கோலத்தில் மணமேடைக்கு வந்தனர். நிஜ திருமணம் போலவே மண்டபம் அலங்கரிக்கப்பட்டு, திருமண மேடை பிரமாண்டமாக அலங்கரிக்கப்பட்டிருந்தது.

தாலி கட்டிய ஆர்யா

பின்னர் கெட்டிமேளம் முழங்க அமலாபால் கழுத்தில் தாலி கட்டினார் ஆர்யா. திரைப்படப் படப்பிடிப்புதான் என்றாலும் பொதுமக்கள் குவிந்திருந்ததால் மண்டபத்தின் வெளியே பெரும் பரபரப்பு ஏற்பட்டது.

பார்த்தீபன் இயக்கம்

இந்தப் படத்தின் கதை, திரைக்கதை வசனம் எழுதி இயக்குகிறார் பார்த்திபன். அவரே இந்தப் படத்தில் ஒரு முக்கிய வேடத்திலும் நடிக்கிறார்.

தனுஷ்- சூர்யா- நஸ்ரியா

இதில் சூர்யா, தனுஷ், ஆர்யா, அமலாபால், நஸ்ரியா போன்ற முன்னணி நடிகர், நடிகைகள் கெளரவ தோற்றத்தில் நடிக்கின்றனர்.

வேஷ்டி கட்டிய அமலாபால்

கதை, திரைக்கதை வசனம், இயக்கம் படத்தில் அமலாபால் வேஷ்டி, சட்டை அணிந்து ஒரு காட்சியில் நடிக்கிறாராம். இது கணவன் மனைவி இடையேயான அந்நியோன்யத்தை வெளிப்படுத்தும் என்கிறார் இயக்குநர் பார்த்தீபன்.

ஒரு நிமிடக்கோபம்

இந்தப் படத்தில் நிமிடத்திற்கு நிமிடம் மாறும் குணம் கொண்ட கதாபாத்திரத்தில் நடிப்பதாக அமலாபால் கூறினார். ஒரு நிமிடம் மகிழ்ச்சி மறுநிமிடம் கோபம் என்று நடிப்பது சுவாரஸ்யமாகவும் இருப்பதாகவும் குறிப்பிட்டார்.

சினிமா திருமணங்கள்

ராஜா ராணி திரைப்படத்தில் பரபரப்பு கூட்ட வேண்டும் என்பதற்காகவே, ஆர்யா-நயன்தாராவுக்கு திருமணம் நடக்கவிருப்பது போன்று அழைப்பிதழை வெளியிட்டு பெரும் பரபரப்பு கூட்டினர்.

சிம்பு- நயன்தாரா

அதேப்போல், சமீபத்தில் இது நம்ம ஆளு படத்திலும் சிம்பு- நயன்தாராவின் கழுத்தில் தாலி கட்டியது போன்று ஒரு பப்ளிசிட்டியை முடுக்கி விட்டார் பாண்டிராஜ். அதேபோல பார்த்தீபன் தன்னுடைய படத்திலும் திருமணக்காட்சியை வைத்து விளம்பரப்படுத்தியுள்ளார்.