முகப்பு

செய்திகள்

வாஷிங்டன்(யு.எஸ்): அமெரிக்காவில் நாற்பது திரைகளில் வெளியான பிரியாணி திரைப்படம் முதல்வார இறுதியில் 85 ஆயிரம் டாலர்கள் வசூல் செய்துள்ளது.

பிரியாணி

சமீபத்தில் வெளியான படங்களோடு ஒப்பிடுகையில் தமிழ் சினிமாவில் இது புதிய சாதனையாகப் பார்க்கப்படுகிறது.

19 திரைகளில் மட்டுமே வெளியான என்றென்றும் புன்னகை 27 ஆயிரம் டாலர்களை வசூலித்துள்ளது.

திங்கள் கிழமை 16 திரைகளில் பிரியாணி 4100 டாலர்களும், 11 திரைகளில் என்றென்றும் புன்னகை 3700 டாலர்களும் வசூலித்துள்ளன.

ஒரே நேரத்தில் அமெரிக்காவில் வெளியான இந்த இரண்டு படங்களையும் ஆத்மஸ் (ATMUS) எண்டெர்டெயின்மெண்ட் நிறுவனம் வெளியிட்டுள்ளது. பார்த்தவர்கள் பகிர்ந்து கொள்ளும் கருத்துக்களினால் என்றென்றும் புன்னகை வசூல் அதிகரித்து வருவதாகவும் அந்த நிறுவனத்தினர் தெரிவித்துள்ளனர்.

பொங்கலுக்கு வீரம் மற்றும் ஜில்லா ஆகிய இரண்டு படங்களையும் ஆத்மஸ் எண்டெர்டெயின்மண்ட் நிறுவனமே அமெரிககாவில் வெளியிடுகிறது.