முகப்பு

செய்திகள்

சூப்பர் ஸ்டார் ரஜினியின் கோச்சடையான் படம் தமிழ், இந்தி, தெலுங்கு, ஆங்கிலம் உள்பட 10 மொழிகளில் நேரடியாக வெளியாகிறது.

இந்திய நட்சத்திரம் ஒருவரின் படங்கள் இத்தனை மொழிகளில் நேரடியாக வெளியாவது இதுவே முதல் முறை.

கோச்சடையான்

ரஜினி இரு வேடங்களில் அவர் மகள் சௌந்தர்யா இயக்கியுள்ள கோச்சடையான் படம் எப்போது வரும் என ரசிகர்கள் மிக ஆவலுடன் காத்திருந்தனர். ரஜினி ரசிகர்கள் என்றில்லாமல், பொதுவாக சினிமா ரசிகர்களே ஆவலுடன் எதிர்ப்பார்த்த படம் என்றால் அது கோச்சடையான்தான்.

இன்று படத்தின் அதிகாரப்பூர்வ வெளியீட்டுத் தேதி ஏப்ரல் 11, 2014 என்று அறிவிக்கப்பட்டுவிட்டது.

இந்தப் படம் தமிழ், இந்தி, தெலுங்கு, போஜ்புரி, மராத்தி, பெங்காலி, பஞ்சாபி, ஜப்பானிய மற்றும் ப்ரெஞ்சு மொழிகளில் வெளியாகிறது. ஆங்கிலத்தில் நேரடியாக இந்தப் படம் வெளியாகிறது. தமிழ், இந்தி, ஆங்கிலம், தெலுங்கு மொழிகளில் ரஜினியே டப்பிங் பேசியுள்ளார். ஜப்பானிய மொழியில் அவர் முதலில் டப் செய்வதாக இருந்து, பின்னர் வேறு நபர் மூலம் டப் செய்யப்பட்டுள்ளது.

ஆங்கிலத்தில் சர்வதேச அளவில் தனியாக வெளியிடவும் ஈராஸ் நிறுவனம் முடிவு செய்துள்ளது.