முகப்பு

செய்திகள்

வசந்தபாலன் இயக்கத்தில் உருவாகியுள்ள காவியத்தலைவன் படத்தின் ஆடியோ ஆகஸ்ட் 18ஆம் தேதி வெளியாகும் என அப்படத்தின் இசையமைப்பாளர் ஏ.ஆர்.ரகுமான் தெரிவித்துள்ளார்.

அரவான் படத்தை தொடர்ந்து வசந்தபாலன் இயக்கி வரும் படம் காவியத்தலைவன். 1920-களில் கொடிக்கட்டி பறந்த நாடகக் கலைஞர்களின் வாழ்க்கையை மையமாக கொண்டு உருவாகிவரும்

இப்படத்திற்கு ஏ.ஆர்.ரகுமான் இசையமைப்பதாக செய்திகள் வெளியான நாள் முதலே ரசிகர்களுக்கு இப்படத்தின் இசை மீதுள்ள ஆர்வம் அதிகரித்தது.

அதற்கேற்ப, தான் இசையமைத்த படங்களிலே காவியத்தலைவன் படத்திற்காகத்தான் தான் அதிக சிரமம் மேற்கொண்டதாக ஏ.ஆர்.ரகுமான் பேட்டியளிக்க, எதிர்பார்ப்பின் அளவு உச்சத்தை தொட்டது.

ஆடியோ ரிலீஸ்

காவியத்தலைவன் பாடல்கள் கடந்த ஜூலை 31 ஆம் தேதி வெளியாகும் என்று சொல்லப்பட்டது. ஆனால் சில காரணங்களால் அது நிறைவேறாமல் போக தற்போது ஆகஸ்ட் 18 ஆம் தேதி இப்படத்தின் பாடல்கள் வெளியாகும் என்று அதிகாரபூர்வமாக அறிவிக்கப்பட்டுள்ளது.

சூரியன் எப்.எம்

படத்தின் ஆடியோ ரிலீஸை ஆகஸ்ட் 18ம் தேதி காலை 9 மணிமுதல் 11 மணிவரை சூரியன் எப்.எம் லைவ் ஆக ஒளிபரப்புகிறது. என்னுடன் லைவ் ஆக உரையாடுங்கள் என்று ஏ.ஆர்.ரகுமான் தனது சமூக வலைத்தள பக்கத்தில் பதிந்துள்ளார்.

சித்தார்த், பிரிதிவிராஜ்

சித்தார்த் மற்றும் பிரித்திவ்ராஜ் ஹீரோக்களாக நடிக்க வேதிகா இப்படத்தின் கதாநாயகியாக நடித்து வருகிறார். நாசர், தம்பி ராமையா, பொண்வண்ணன் போன்றோர் முக்கிய கதாபாத்திரங்களில் நடித்து வருகின்றனர்.

ரசிகர்களிடம் வரவேற்பு

ஏற்கனவே வாங்க மக்கா வாங்க என்னும் ஒரு முழு பாடலும், கர்ணமோட்சம், ஏய் மைனர் என்னும் இரண்டு ப்ரோமோ பாடல்களும் வெளியாகி இணையதள ரசிகர்களிடம் நல்ல வரவேற்பை பெற்றுள்ளது. சில தினங்களுக்கு முன்னர் பா.விஜய் வரிகளில் உருவாகியுள்ள யாருமில்லா என்னும் மற்றொரு முழு பாடலும் வெளியாகி வரவேற்பினைப் பெற்றுள்ளது.