twitter
    For Quick Alerts
    ALLOW NOTIFICATIONS  
    For Daily Alerts

    கார்த்தி படத்தில் நடிக்கிறார் வடிவேலு.. ஸ்ருதியைக் காதலிப்பது போல காட்சிகள்!

    By Shankar
    |

    சென்னை: தெனாலிராமனுக்குப் பிறகு புதிய படங்களில் நடிக்கக் கதை கேட்டு வரும் வடிவேலு, கார்த்தியின் படத்தில் நடிக்க சம்மதித்துள்ளாராம்.

    இந்தப் படத்தில் அவர் ஸ்ருதி ஹாஸனை ஒருதலையாகக் காதலிக்கும் வேடத்தில் நடிக்கிறாராம்.

    Vadivelu to play comedy in Karthi's new movie

    தெனாலிராமன் படம் பெரிதாகப் போகாவிட்டாலும், வடிவேலுவின் கவுரவத்தைக் குறைக்காத படமாக அமைந்தது. இந்தப் படத்துக்குப் பிறகு, இரு புதிய படங்களில் ஹீரோவாக நடிக்கிறார் வடிவேலு. அதே நேரம் புதிய படங்களில் நகைச்சுவை வேடங்களில் நடிக்கவும் சம்மதித்துள்ளார்.

    ரௌத்ரம், இதற்குத்தானா ஆசைப்பட்டாய் பாலகுமாரா போன்ற படங்களை இயக்கிய கோகுல் இயக்கும் புதிய படத்தில் கார்த்தி நாயகனாக நடிக்கிறார்.

    இந்தப் படத்தில் படம் முழுக்க வரும் நகைச்சுவை வேடத்தில் வடிவேலுவை நடிக்க வைக்க பேசி வருகிறார்கள். வடிவேலுவும் கதையைக் கேட்ட பிறகு நடிக்க ஒப்புக் கொண்டாராம்.

    இந்தப் படத்தில் நாயகி ஸ்ருதி ஹாஸனை ஒருதலையாகக் காதலிக்கும் வேடத்தில் வடிவேலு நடிக்கப் போகிறாராம்.

    வடிவேலு இதே போல ஏற்கெனவே போக்கிரி படத்தில் நடித்தது நினைவிருக்கலாம். அதில் அஸினைக் காதலிப்பது போல நடித்திருப்பார். போதாக்குறைக்கு சூர்யா - அஸின் நடித்த கஜினி படத்தின் புகழ்பெற்ற சுட்டும் விழிச் சுடரே பாடலைப் பாடி ஆடுவது போல காட்சிகளும் வைக்கப்பட்டிருந்தது நினைவிருக்கலாம்.

    இந்தப் படத்திலும் அப்படி காட்சிகள் வைத்தால், ஏழாம் அறிவு பட டூயட்டைப் பயன்படுத்துவார்களோ?

    English summary
    Comedy actor Vadivelu is now accepting to play important role in Karthi's new movie.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X