Don't Miss!
- News மன்சூர் அலிகானுக்கு தீவிர சிகிச்சை.. ஐசியூவில் திடீர் அட்மிட்.. தற்போது எப்படி இருக்கிறார் மன்சூர்?
- Sports அவர் ஒருவரை தவிர மற்ற ஸ்பின்னர்களுக்கு பயம் .. 120 கிமீ வேகம் அவசியமா.. வருணை பொளந்த ஹர்பஜன் சிங்!
- Lifestyle தினமும் இட்லி தோசை செய்யாம.. பாஸ்தா இருந்தா இப்படி செய்யுங்க.. குழந்தைங்க விரும்பி சாப்பிடுவாங்க..
- Technology Google Pay-க்கு அடுத்த ஆப்பு.. உதறிதள்ளிய NPCI.. கதிகலங்கிய யூசர்கள்.. Phonepe-க்கும் அதே கதி.. என்ன ஆச்சு!
- Automobiles ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
தமிழ்நாட்டின் ‘உட்டி ஆலன்’ விவேக்: மணிரத்னம் பாராட்டு
சென்னை: விவேக் நம்முடைய உட்டி ஆலன். ஆனால் அவர் போல திகழ விவேக் இன்னும் கடுமையாக முயற்சிக்க வேண்டும் எனத் தெரிவித்துள்ளார் இயக்குநர் மணிரத்னம்.
தனது சமூக விழிப்புணர்வு காமெடிகளால் சின்னக் கலைவாணர் எனப் புகழப்படும் விவேக் நடிப்பில் வெளிவர இருக்கும் படம் 'நான் தான் பாலா'.
இப்படத்தின் இசை மற்றும் டிரெயிலர் வெளியீட்டு விழா சென்னையில் சனிக்கிழமை நடைபெற்றது. இயக்குநர்கள் கே.பாலசந்தர், பாரதிராஜா, மணிரத்னம், இசையமைப்பாளர் ஏ.ஆர்.ரஹ்மான், தயாரிப்பாளர் சங்கத்தலைவர் கேயார், இயக்குநர் சங்கத்தலைவர் விக்ரமன் உட்பட பலர் இதில் கலந்துகொண்டனர்.
விழாவில் மணிரத்னம் பேசியதாவது:-
நெருக்கமாக வாய்ப்பு....
இங்கே விவேக் ஒரு இருக்கையை காட்டி அதில் அமரும் படி கூறினார். அந்த இருக்கையில் ‘கே.பி ' என்று எழுதியிருந்தது. நிகழ்ச்சியில் கலந்துகொள்ள வந்த எனக்கு அவரது இருக்கையில் அமரக் கிடைத்த இந்த வாய்ப்பை, அவருடன் நெருக்கமாக இருக்க முடிந்ததாக எடுத்துக்கொள்கிறேன்.
சந்தோஷம்....
அதேபோல முன்பு ஒருமுறை பாரதிராஜா அலுவலகத்தில் போனில் பேசிக்கொண்டே அவருடைய இருக்கையில் அமர்ந்துவிட்டேன். அதைக் கவனித்தவர், ‘யாரும் உட்கார யோசிக்கும் இருக்கையில் அமர்ந்துட்டியே' என்று சிரித்தார். அவர்கள் இருவரின் இருக்கைகளில் அமரும் வாய்ப்பு கிடைத்தது சந்தோஷமாக இருக்கிறது.
பொறாமையாக உள்ளது...
காமெடியன்களை பார்த்தால் எனக்கு பொறாமையாக இருக்கிறது. காமெடியில் நிறைய உழைப்பும், தரமும் சேர்த்து அற்புதமாக கொடுத்து எல்லா தரப்பு மக்களையும் சந்தோஷப்படுத்துகிறார்கள்.
இது முதல்படி...
அதில் விவேக்கின் பங்கும் நிறைய இருக்கிறது. அறிவுப்பூர்வமான காமெடியை கொடுத்து விவேக் அசத்துகிறார். இந்தப்படத்தை அவர் முதல் படியாக எடுத்துக்கொள்ள வேண்டும்.
உட்டி ஆலன்...
மேலும், விவேக் நம்முடைய உட்டி ஆலனாக இருக்கலாம். ஆனால் விவேக் இன்னும் கடுமையாக முயற்சிக்க வேண்டும்.' என இவ்வாறு அவர் பேசினார்.
அது யாரு உட்டி ஆலன்....
உட்டி ஆலனை அமெரிக்க சினிமாவின் அறிவு ஜீவி என்பார்கள். இவருடைய படங்களில் பெரும்பாலும் கேலியும் கிண்டலும் நிறைந்திருக்கும். குறிப்பாக அரசியல் கிண்டல்கள். மதம் சம்பந்தபட்ட கேலிகள், அமெரிக்கர்களின் போலியான பகட்டு வாழ்க்கை. ஒரு வித கோமாளித்தனமும், எக்ஸண்ட்ரிகிஸமும் கலந்த பாத்திரங்களை இவர் செய்வார் என்பது குறிப்பிடத்தக்கது..
அப்பவே செஞ்சுட்டாரே... என்.எஸ்.கே.
ஆனால் உட்டி ஆலன் செய்ததை நம்ம ஊர் என்.எஸ்.கேவும் அன்றே செய்தவர்தான். அதனால்தான் விவேக்கை சின்னக் கலைவாணர் என்று அவரது வட்டாரத்தில் அழைக்க ஆரம்பித்தனர். இப்போது விவேக்கை உட்டியாக்கி விட்டார் மணி...