More Tamil Updates on: http://m.oneindia.in/tamil/
பா.விஜய் தயாரித்து, நாயகனாக நடித்துள்ள ஞாபகங்கள் திரைப்படம் கொரிய மொழியில் டப் செய்யப்பட்டு வெளியாகிறது.
வரும் ஜூலை 3ம் தேதி தமிழகம் மற்றும் உலகமெங்கும் வெளியாகும் ஞாபகங்கள் படத்தை கொரிய மொழியில் டப் செய்து வெளியிடும் வேலையில் விஜய்யின் கொரிய நண்பர்கள் சிலர் ஆர்வத்துடன் ஈடுபட்டுள்ளனராம்.
கொரியாவில் இந்தியப் படங்களுக்கு அத்தனை மவுசா?
"ஆம்... இந்தியப் படங்களை அந்த நாட்டு மக்கள் விரும்பிப் பார்க்கிறார்களாம். குறிப்பாக காதல்-ஆக்ஷன் கதைகள் அங்கு வெகுவாக ரசிக்கப்படுவதாகச் சொன்னார்கள். ரஜினியின் சில படங்கள் கூட அங்கே சிறப்பாக ஓடியிருக்கின்றன. சந்திரமுகிக்கு அங்கே பெரிய வரவேற்பிருந்தது.
ஞாபகங்கள் ஒரு அழகான காதல் கதை. எனவே இந்தப் படத்துக்கு மொழிகளைத் தாண்டிய வரவேற்பு நிச்சயம்..", என்கிறார் படத்தின் இயக்குநர் ஜீவன்.
இந்தப் படத்தில் பா.விஜய்க்கு ஜோடியாக ஸ்ரீதேவிகா நடித்துள்ளார்.
