EnglishবাংলাHindiગુજરાતીಕನ್ನಡമലയാളംతెలుగు

லிப் டு லிப் காட்சியில் நடிச்சா வீட்ல சேர்க்க மாட்டாங்க! - அஜ்மல்

Posted by:
Published: Saturday, August 13, 2011, 10:09 [IST]

லிப் டு லிப் காட்சியில் நடிச்சா வீட்ல சேர்க்க மாட்டாங்க! - அஜ்மல்

பொதுவாக காதல் காட்சிகளில் உதட்டோடு உதடு பதித்து முத்தம் தரும் காட்சி வைத்தால் அதில் நடிக்க ஹீரோயின்கள்தான் தயங்குவார்கள்.

ஆனால் முதல்முறையாகத ஒரு ஹீரோ வேண்டாம் என்று மறுத்த, பிடிவாதமாக அந்தக் காட்சியை மாற்றச் சொல்லியுள்ளார்.

அவர் அஜ்மல். படம் கருப்பம்பட்டி.

இந்தப் படத்தில் அஜ்மல் ஜோடியாக அபர்ணா பாஜ்பாய் நடிக்கிறார். பிரபுராஜ சோழன் இயக்குகிறார்.

பழனியின் இறுதிக் கட்ட காட்சிகள் படமாக்கப்பட்ட போது, ஒரு கட்டத்தில், அஜ்மல் தன் காதலை அபர்ணாவிடம் சொல்கிறார். அந்தக் காதலை அபர்ணா ஏற்க, அப்படியே கட்டிப் பிடித்து உதட்டோடு உதடு பதித்து முத்தமிடுவது போல் நடிக்க வேண்டும்.

இந்தக் காட்சிக்கு நாயகி ஒப்புக் கொண்டார். ஆனால் நாயகன் அஜ்மல் மறுத்துவிட்டாராம். எவ்வளவோ எடுத்துச் சொல்லியும் நடிக்க மறுத்துவிட்டாராம் அஜ்மல். பின்னர் உதட்டுக்கு பதில் கன்னத்தில் முத்தமிடுவதாக மாற்றி எடுத்திருக்கிறார்கள். இதனால் 2 மணிநேரம் ஷூட்டிங் வேறு பாதிக்கப்பட்டுள்ளது.

உதட்டோடு உதடு முத்தக் காட்சியில் நடிக்க மறுத்தது குறித்து அஜ்மல் கூறுகையில், "நான் சினிமா நடிகர் ஆவதை என் பெற்றோர்கள் விரும்பவில்லை. சில நிபந்தனைகளோடுதான் நடிக்க வந்தன். அதன்படி "நடிகைகளுக்கு முத்தம் கொடுத்து நடிக்க மாட்டேன், விரசமான காட்சிகளில் நடிக்க மாட்டேன், இரட்டை அர்த்த வசனம் பேச மாட்டேன்," என்றெல்லாம் அவர்களுக்கு உறுதி அளித்துள்ளேன்.

அதில் இன்று வரை உறுதியுடன் இருந்து வருகிறேன். நான் உதட்டுடன் உதடு சேர்த்து முத்தம் கொடுத்து நடித்தால், வீட்டில் சேர்க்க மாட்டார்கள்,'' என்றார் அப்பாவியாக!

Topics: liplock, karuppampatti, ajmal, aparna, அஜ்மல், கருப்பம்பட்டி, லிப் லாக்
 
இந்த செய்தியை நண்பர்களுடன் பகிர்க
English summary
Actor Ajmal refused for a lip to lip scene with heroine Aparna Bajbai in a new movie Karuppampatti. Later the scene has been changed and he kissed the heroine on her cheek.
கருத்தை எழுதுங்கள்
Click here to type in Tamil
Subscribe Newsletter
Promotion