படமாகும் நாராயண குரு வாழ்க்கை

கேரளாவைச் சேர்ந்த சமுதாய சீர்திருத்த சிற்பியான ஸ்ரீ நாராயண குருவின் வாழ்க்கை வரலாறு திரைப்படமாகிறது. இதில் தலைவாசல் விஜய், நாராயண குரு வேடத்தில் நடிக்கிறார்.

தமிழகத்துக்கு எப்படி பெரியாரோ அதேபோல கேரளாவில் நாராயண குரு சமுதாய சீர்திருத்த சிற்பியாக மலர்ந்தார்.

தலித் மக்களின் உரிமைக்காகவும், அவர்களின் முன்னேற்றத்திற்காகவும் பாடுபட்டவர் நாராயண குரு. அவரது வாழ்க்கையை மலையாளத்தில் திரைப்படமாக்குகின்றனர்.

நம்ம ஊர் தலைவாசல் விஜய் நாராயண குரு வேடத்தில் நடிக்கவுள்ளது குறிப்பிடத்தக்கது. நவ்யா நாயர் முக்கிய வேடத்தில் நடிக்கிறார்.

பாலக்காடு அருகே உள்ள ஒத்தப்பாலத்தில் படப்பிடிப்பு தொடங்கி நடந்து வருகிறது.