EnglishবাংলাગુજરાતીHindiಕನ್ನಡമലയാളംతెలుగు

'போதிதர்மரை'க் குறி வைக்கும் ஆமீர்கான், சல்மான் கான்

Posted by:
Published: Thursday, November 17, 2011, 15:19 [IST]
 

ஏ.ஆர். முருகதாஸ் இயக்கிய ஏழாம் அறிவு படத்தை இந்தியில் ரீமேக் செய்ய ஆமீர் கானும், சல்மான் கானும் போட்டிப் போட்டுக் கொண்டிருக்கின்றனர்.

பாலிவுட்டில் பிரபலமாக உள்ள 3 கான்கள் அதாவது ஆமீர், சல்மான், ஷாருக்கிற்கு மத்தியில் எப்பொழுதும் போட்டி தான். அவர்கள் 3 பேருக்கும் தென்னிந்திய படங்கள் மீது புது ஆர்வம் வந்துள்ளது. ஏ.ஆர். முருகதாஸ் எடுத்த கஜினி படம் இந்திக்குப் போனது. அங்கு ஆமீர் கான் நடித்தார். அது சூப்பர், டூப்பர் ஹிட்டானது.

மலையாளம், தமிழில் வெற்றி பெற்ற பாடிகார்ட் படம் இந்தியில் சல்மான் நடிப்பில் ரீமேக்காகி பெரும் வெற்றி பெற்றது. அதேபோல சல்மான் நடிப்பில், டான்ஸ் மாஸ்டர், இயக்குனர் பிரபுதேவாவின் போக்கிரி இந்தியில் வாண்டட் என்ற பெயரில் எடுத்து வெற்றி கண்டார். தொய்ந்து போய்க் கிடந்த சல்மானுக்கு இந்த படம் புத்துயிர் அளித்தது என்று கூட சொல்லலாம்.

இப்படி தென்னிந்திய படங்கள் அதிலும் தமிழ் படங்களை இந்தியில் எடுக்க கான்கள் ஆர்வம் காட்டுகின்றனர். ஏ.ஆர். முருகதாஸ் இயக்கத்தில் சூர்யா, ஸ்ருதி நடித்த ஏழாம் அறிவைப் பார்த்த ஆமீரும், சல்மானும் அந்த படத்தின் உரிமையை எப்படியாவது வாங்கி நடித்துவிட வேண்டும் என்று நினைக்கின்றனர். யார் வாங்குகிறார்கள் என்று பார்ப்போம் என்பது போன்று இருவரும் போட்டி போடுகின்றனர்.

யார் போதி தர்மராகப் போவது என்று பொறுத்திருந்து பார்ப்போம்...!

English summary
Bollywood superstars Aamir and Salman Khan are competing with one another to remake AR Murugadoss's 7aam arivu in Hindi. Murugadoss and Aamir have already worked together in Ghajini. Let's see as to which Khan will become Bodhi Dharmar.
கருத்தை எழுதுங்கள்
Click here to type in Tamil
Subscribe Newsletter
Promotion