More Tamil Updates on: http://m.oneindia.in/tamil/
புதிதாக எழுதப்பட்டுள்ள ரஜினியின் வாழ்க்கை வரலாற்றுப் புத்தகம், அவரது பிறந்த தினமான 12.12.12 அன்று வெளியாக உள்ளது.
சில ஆண்டுகளுக்கு முன் காயத்ரி என்ற மருத்துவர், ரஜினியின் சுயசரிதையை எழுதியிருந்தார். ஆங்கிலம், தமிழில் வெளியாகி விற்பனையில் பெரும் சாதனைப் படைத்தது இந்தப் புத்தகம்.
இப்போது, மேலும் ஒரு ரஜினி சுயசரிதைப் புத்தகம் வெளியாகவிருக்கிறது. இந்தப் புத்தகம் சூப்பர் ஸ்டாரின் மறக்க முடியாத பிறந்த நாளாக கொண்டாடப்படவிருக்கும் 12.12.12 அன்று வெளியாக உள்ளது.
சினிமா விமர்சகரான ராமச்சந்திரன் என்பவரால் எழுதப்பட்டுள்ள இந்தப் புத்தகம் ரஜினியின் வாழ்க்கையைப் பற்றிய முழுமையான புத்தகமாக இருக்கும் என்றும், அவரது வாழ்க்கையில் நடந்த சுவாரஸ்யமான சம்பவங்களின் தொகுப்பாக இருக்கும் என்றும் கூறப்படுகிறது.
பெங்குவின் பதிப்பகம் இந்தப் புத்தகத்தை வெளியிடுகிறது.
