More Tamil Updates on: http://m.oneindia.in/tamil/
சென்னை: சூப்பர் ஸ்டார் ரஜினியின் மெகா ஹிட்சிவாஜி - தி பாஸ் படத்தின் 3 டி பதிப்பு 48 நிமிட காட்சிகள் வெட்டப்பட்டுள்ளன.
இன்றைய சூழல் மற்றும் படத்தின் நீளம் கருதி இந்த முடிவை எடுத்ததாக தயாரிப்பாளர் ஏவிஎம் சரவணன் கூறியுள்ளார்.
சிவாஜி 3 டியை கோச்சடையான் வெளியீட்டுக்கு முன், அதாவது வரும் செப்டம்பரில் வெளியிட முழு வீச்சில் வேலைகள் நடந்து வருகின்றன. சமீபத்தில் 3 டி தொழில்நுட்பத்துக்கு மாற்றப்பட்ட இந்தப் படத்தைப பார்த்த ரஜினி, அதில் செய்யப்பட்ட மாற்றங்கள் குறித்து திருப்தி தெரிவித்தார்.
இந்த நிலையில் படம் குறித்து தயாரிப்பாளர் ஏவிஎம் சரவணன் கூறுகையில், "சிவாஜி - தி பாஸ் 3 டி யில் இன்னும் சிறப்பாக வந்துள்ளது. படத்தைப் பார்த்து ரொம்ப ரசித்தார் ரஜினி சார். 3 டி படத்தின் நீளத்தைக் குறைத்திருக்கிறோம். மூன்று மணி நேரத்துக்கு அதிகமாக ஒடக்கூடிய இந்தப் படத்தை இப்போது 2.17 நிமிடங்கள் ஓடக்கூடிய வகையில் ட்ரிம் செய்திருக்கிறோம்," என்றார்.
சிவாஜி - தி பாஸ் 185 நிமிட நேரப் படம். இப்போது அதில் 48 நிமிடங்கள் குறைத்துள்ளார்களாம்!
