gmail@rajinikanth.com.. இதெப்டி இருக்கு...!- rajinikanth jokes 166163

சென்னை: ரஜினி என்றால் ஸ்டைல், பிரமாண்ட வியாபாரம் என்பதோடு சமீப காலமாக அவரை வைத்து இணையங்களைக் கலக்கி வரும் நகைச்சுவைத் துணுக்குகளும் அடக்கம். ரஜினியை வைத்து எக்கச்சக்க ஜோக்குகள் இணையங்களை வலம் வந்தவண்ணம் உள்ளன.

எல்லாமே ரஜினியை சூப்பர்மேனாக சித்தரித்து கொடுக்கப்பட்டுள்ள ஜோக்குகள்தான். சூரியனே கூட ரஜினியைப் பார்த்து அச்சப்படுமாம். அதேபோல் ரஜினி மட்டும் 150 வருஷத்துக்கு முன்னாடி இந்தியாவில் பிறந்திருந்தா இங்கிலாந்துக்காரன் இந்நேரம் சுதந்திரத்திற்காக போராடிக்கொண்டிருப்பான் என்பது மாதிரியான ஜோக்குகள்தான்.

ரஜினியே கூட இதைப் படித்து விட்டு வயிறு வலிக்க வலிக்க சிரிக்கலாம். அப்படி ஒரு ஹிலாரியஸான ஜோக்குகள் இவை.. ரஜினி பிறந்த நாளை முன்னிட்டு ரஜினி ரசிகர்களுக்காக அவரைப் பற்றிய சில ஜோக்குகள்..

சூரியனே செத்துப் போய்ட்டான்!

தலைவர் சூரியனை கொஞ்ச நேரம் உத்துப் பாத்தாரு... அடுத்த செகன்ட் சூரியனே செத்துப் போயிருச்சு...!

தலைவர் விட்ட உதைல ஆயிருச்சு டிரையாங்கிள்

முதல்ல பெர்முடா ஸ்கொயர்னுதான் இருந்துச்சு.. தலைவர் போய் ஒரு பக்கமாக உதை விட்டதுல ஸ்கொயர், டிரையாங்கிளா மாறிடுச்சு...

கண்ணாடி தலைவருக்கு இல்லை, சூரியனுக்கு

தலைவர் போட்ருக்கிற கூலிங் கிளாஸ் அவரோட கண்ணைப் பாதுகாக்க இல்லை கண்ணா, சூரியனைப் பாதுகாக்க.

நியூட்டன் எப்படி செத்தாரு தெரியுமா...

கண்ணா, நியூட்டன் எப்படிச் செத்தாருன்னு தெரியுமா... ரஜினி படத்தைப் பார்த்துத்தான். தன்னோட இயற்பியல் விதிகள் அத்தனையையும் ரஜினி அடித்துத் துவைச்சு காயப் போட்டதைப் பார்த்து ஹார்ட் அட்டாக் ஆகிப் போய் மேலே போய்ட்டாரு...