ஏ.ஆர். ரஹ்மானுக்கு பிறந்தநாள்: குவியும் வாழ்த்துக்கள்

சென்னை: இசையமைப்பாளர் ஏ.ஆர். ரஹ்மான் இன்று தனது 47வது பிறந்தநாளைக் கொண்டாடுகிறார்.

பிரபல இசையமைப்பாளர் ஏ.ஆர். ரஹ்மான் இன்று தனது 47வது பிறந்தநாளைக் கொண்டாடுகிறார். கீ போர்டு வாசிப்பவராக வாழ்க்கையைத் துவங்கி பின்னர் உலகமே திரும்பிப் பார்க்கும் அளவுக்கு பெரிய இசையமைப்பாளர் ஆனார். அவர் கோல்வுட் முதல் பாலிவுட் வரை பல்வேறு உட்களில் ஏராளமான படங்களுக்கு இசையமைத்துள்ளார். மேலும் பல படங்களுக்கு இசையமைத்து வருகிறார்.

ஒரு ஆஸ்கர் விருது வாங்க மாட்டோமா என்று பல கலைஞர்கள் ஏங்குகையில் ரஹ்மான் ஸ்லம்டாக் மில்லியனர் படத்திற்கு இசையமைத்தற்ககாக 2 ஆஸ்கர் விருதுகளைப் பெற்றார். தொடர்ந்து அவர் ஹாலிவுட் படங்களுக்கு இசையமைத்து வருகிறார். இந்த ஆண்டுக்கான ஆஸ்கர் விருதுக்கு அவர் பரிந்துரைக்கப்பட்டுள்ளார். ஆஸ்கர் விருது தவிர அவர் கிராமி விருதும் பெற்றுள்ளார்

இசைத் துறையில் 20 ஆண்டுகளாக இருக்கும் அவர் பல்வேறு சாதனைகள் படைத்தும் அடக்கமாக இருப்பது தான் அவருடைய ஸ்பெஷல். ரஹ்மானுக்கு 47 வயதானாலும் அவர் திரைத்துறைக்கு வந்தபோது இருந்த மாதிரியே இன்னும் இளமையாகத் தான் உள்ளார்.

பிறந்தநாள் வாழ்த்துக்கள் ரஹ்மான்!