காதலர் தின ஸ்பெஷல்: கமல்-ஸ்ரீதேவி, விஜய்-த்ரிஷா, அஜீத்-ஷாலினி- உங்களுக்கு பிடித்த ஜோடி எது?

கமல்-ஸ்ரீதேவி ஜோடியை சிறந்த ஜோடி என்று கூறலாம். அந்த அளவுக்கு பொருத்தமாக இருப்பார்கள். 16 வயதினிலே படத்தில் தொடங்கி பல வெற்றிப் படம் கொடுத்த ஜோடி இது. அவர்கள் நடித்த வறுமையின் நிறம் சிவப்பு படத்தை யாராலும் மறக்க முடியாது.

இளைய திலகம் பிரபு அமலா, லிஸி, ரேவதி, சுகன்யா என்று பல நடிகைகளுடன் நடித்திருந்தாலும் அவருக்கு ஏற்ற ஜோடி என்றால் அது குஷ்பு தான். அவர்கள் ஜோடி சேர்ந்த படங்களில் சின்னத் தம்பியை மறக்கவே முடியாது.

லொட லொட என்று பேசும் கார்த்திக்கிற்கு ஏற்ற ஜோடி துரு துரு ரேவதி தான். இந்த ஜோடி பல ஹிட் படங்களில் நடித்துள்ளது.

சில ஆண்டுகளே நாயகியாக நடித்த நதியாவுக்கு ஏற்ற ஜோடி சுரேஷ்.

வளர்ந்த மனிதர் சத்யராஜ் ராதா, அம்பிகா, மீனா, ரஞ்சிதா, குஷ்பு என்று பல பேருடன் ஜோடி சேர்ந்து நடித்துள்ளார். ஆனால் அவரும் சுகன்யாவும் தான் பார்க்க பொருத்தமான ஜோடியாக ரசிகர்கள் மனதில் நின்றார்கள்.

நாட்டாமை சரத்குமாருக்கு ஏற்ற ஜோடி தேவயாணி. அவருக்கு குஷ்பு, நக்மாவும் நல்ல ஜோடியாக இருந்தனர்.

விஜய், த்ரிஷா ஜோடி பார்க்க நன்றாக இருக்கும். அவர்கள் சேர்ந்து நடித்த படங்களில் கில்லி, திருப்பாச்சி ஆகியவை ஹிட் படங்களாகும்.

அஜீத்தும் ஷாலினியும் சேர்ந்து அமர்க்களம் என்ற ஒரே படத்தில் தான் நடித்தனர். திரையில் அஜீத்துக்கு ஏற்ற ஜோடியான ஷாலினி தான் தற்போது நிஜத்திலும் அவரது ஜோடி.

சீயான் விக்ரம் யாருடன் நடித்தாலும் பொருத்தமாக இருந்தாலும் ஜோதிகா நல்ல ஜோடியாக இருந்தார்.

கணவன் மனைவியான சூர்யா-ஜோதிகா ஜோடி ரசிகர்களை வெகுவாகக் கவர்ந்த ஜோடி. அவர்கள் நடித்த காக்க காக்க படம் என்றென்றும் நினைவில் இருக்கும்.

கார்த்திக்கு ஏற்ற ஜோடி யார் என்று கேட்டால் அனைவரும் தமன்னாவைத் தான் சொல்வார்கள். ஆனால் என்னவோ இப்போதெல்லாம் அவர்கள் சேர்ந்து நடிப்பதில்லை.

வாலு சிம்புவுக்கு ஏற்ற ஜோடி யார் என்று அலசியதில் இறுதியாக கிடைத்தவர் த்ரிஷா. அவர்கள் நடித்த விண்ணைத் தாண்டி வருவாயா படத்தில் அவர்கள் ஜோடி பொருத்தம் பேசப்பட்டது.

தனுஷ் தமன்னா, நயன்தாரா என்று பல முன்னணி நடிகைகளுடன் நடித்திருக்கிறார். இருப்பினும் 3 படத்தில் வநத் தனுஷ்- ஸ்ருதி ஜோடி பேசப்பட்டது.

ஜெயம் ரவியும், ஜெனிலியாவும் பார்க்க அம்சமான ஜோடியாக இருப்பார்கள். அவர்கள் நடித்த சந்தோஷ் சுப்பிரமணியம் என்றும் நினைவில் நிற்கும் படம்.

ஜீவா நயன்தாரா, ஸ்ரேயா, டாப்ஸி, ஸ்ரீதேவி விஜயகுமார் என்று பல்வேறு நடிகைகளுடன் நடித்துள்ளார். இருந்தாலும் கோ படத்தில் நடித்த கார்த்திகா அவருக்கு பொருத்தமாக இருந்தார்.