Don't Miss!
- Sports ஐபிஎல்- சாதனை பட்டியலில் ருதுராஜ்.. ஒவ்வொரு அணி கேப்டனும் அடிச்ச அதிகபட்ச ஸ்கோர் எவ்வளவு தெரியுமா?
- Finance தண்ணீர் பஞ்சத்தை விடுங்க.. Apple கடை வருதாம்ல்ல.. க்யூகட்டி நிக்க வேண்டியது தான்..!!
- Technology கம்பெனிக்கு கட்டுமா பாஸ்.. ரூ.10,999 போதும்.. 108MP கேமரா.. 8GB ரேம்.. புதிய itel போன் அறிமுகம்.. எந்த மாடல்?
- Automobiles 21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
- Lifestyle Today Rasi Palan 24 April 2024: இன்று இந்த ராசிக்காரர்கள் பிறர் பிரச்சனைகளில் தலையிடாமல் இருந்தால் நல்லது...
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
பாலா படம்... இசைஞானி இளையராஜாவின் 1000வது படம்!
சென்னை: பாலா இயக்கும் கரகாட்டம் படம் இசைஞானி இளையராஜா இசையமைக்கும் 1000வது படமாக வருகிறது.
1976-ம் ஆண்டு அன்னக்கிளி மூலம் தனி இசையமைப்பாளராக அறிமுகமானார் இளையராஜா. அதற்கு முன் 200 படங்களுக்கு மேல் ஜிகே வெங்கடேஷிடம் உதவியாளராக, இசை நடத்துநராகப் பணியாற்றியிருந்தார்.
அன்னக்கிளிக்குப் பின்..
அன்னக்கிளிக்குப் பிறகு இளையராஜாவின் வாழ்க்கையில் வந்த ஒவ்வொரு நிமிடங்களும் மகத்தானவையாக மாறின. நிற்க நேரமில்லாத அளவுக்குப் படங்களுக்கு இசையமைத்துக் கொண்டிருந்தார் ராஜா.
ஆண்டுக்கு 40 படங்கள்:
எண்பதுகளில் சராசரியாக ஒரு ஆண்டுக்கு 40 படங்களுக்கு மேல் தமிழில் இசையமைத்தார். தமிழ் தவிர, தெலுங்கு, மலையாளம், கன்னடம், இந்தியிலும் அவரது இசைப் பணி தொடர்ந்தது.
ஆண்டுக்கு 70 படங்களாக உயர்ந்து..
தொன்னூறுகளின் ஆரம்பத்தில், ஒரு ஆண்டில் 70 படங்களுக்கு இசையமைத்து பிரமிக்க வைத்தவர் ராஜா. இது உலகில் வேறு எந்த இசையமைப்பாளராலும் நினைத்துக்கூடப் பார்க்க முடியாத சாதனை.
நிமிடங்களில் வந்த சாகாவரம் பெற்ற பாடல்கள்...
ஒரு பாடலை உருவாக்க வெளிநாட்டு பயணமோ, அழகான லொகேஷன்களோ, வார அல்லது மாதக்கணக்கில் நேரமோ இளையராஜாவுக்குத் தேவைப்பட்டதில்லை. தென்றல் வந்து தீண்டும்போது... என்ற தேன் பாடலை உருவாக்க இசைஞானி எடுத்துக் கொண்டது வெறும் அரை மணி நேரம்தான்.
இப்படி ஓயாத தேனியைப் போல சுறுசுறுப்புடன் இயங்கும் ராஜா, தமிழ் திரையுலகில் யாரும் எட்ட முடியாத மகத்தான உயரத்தை எட்டியிருக்கிறார்.
1000வது படம்
இயக்குநர் பாலா இயக்கும் புதிய படமான கரகாட்டம்தான் இசைஞானி இசையமைக்கும் 1000வது படமாகும். இசையின் பிதாமகனின் 1000வது படத்தை இயக்கும் பெருமையோடு இந்தப் படத்தை உருவாக்கி வருகிறார் பாலா.
மொத்தம் 12 பாடல்கள்...
இந்தப் படத்தில் மொத்தம் 12 பாடல்கள் இடம்பெறுகின்றன. இந்தப் பாடல்களை 6 நாட்களில் உருவாக்கி ஏற்கெனவே சாதனைப் படைத்தவர் இளையராஜா என்பது நினைவிருக்கலாம்.
இயக்குநர் பாலா தயாரிப்பில் மிஷ்கின் இயக்கும் புதிய படத்துக்கும் இளையராஜாதான் இசையமைக்கிறார் என்பது கூடுதல் தகவல்.