'சீரியஸ் நியூஸ்' இது... 'சீரியல் டைமை ' சன் டிவி கூட்டிருச்சு தெரியுமா உங்களுக்கு???

காலை 10.30 மணிக்கு முதல் சங்கு

காலை பத்தரை மணிக்கு முதல் சங்கை ஊதுகிறது சன் டிவி. அதாவது முதல் சீரியல் தொடங்கும் நேரம் அதுதான். அதன் பிறகு இரண்டரை மணி வரை சீரியல்கள் ஓடிக் கொண்டிருந்தன.

வள்ளியுடன் முன்பு ஓய்ந்த ஒப்பாரி

வள்ளி சீரியலுடன் முன்பு சீரியல்கள் ஓய்ந்தன. அதாவது 2.30 மணிக்கு முடிந்து விடும். பிறகு செய்தி வரும். அதன் பிறகு ஏதாவது ஒரு படத்தைப் போட்டு விட்டுப் போவார்கள்.

மாலை 5.30க்கு 2வது சங்கு

அதன் பின்னர் கேப் விட்டு மாலை 5.30 மணிக்கு அடுத்த ரவுண்டு சீரியலை ஆரம்பிப்பார்கள்.

இப்போது 3 மணி வரை ஒப்பாரி

இப்போது பிற்பகல் 3 மணி வரை சீரியல் நேரத்தை நீட்டி விட்டார்கள். 2.30 மணிக்கு நியூஸ் முடிந்தவுடன் கல்யாணப் பரிசு என்ற சீரியலை காட்டிக் கொண்டிருக்கிறார்கள்.

கல்யாணப் பரிசு...

இதிலும் சோகம், சண்டை, சச்சரவு, வாக்குவாதம், வீராவேசம் என்று அனைத்து விதமான கலவைகளும் கலந்து கட்டி மக்களை டென்ஷனாக்கி வருகிறார்கள்.

சனியனைக் கூட விடலையே

முன்பு சனிக்கிழமையும், ஞாயிற்றுக்கிழமையும் சீரியல்களுக்கு ரெஸ்ட் கொடுத்திருந்தது சன் டிவி. சமீபத்தில் சனிக்கிழமையும் சீரியல்களை போட ஆரம்பித்தது. இப்போது சீரியல் நேரத்தையும் கூட்டி விட்டது.

இப்படியே போனால் கேப்பே இல்லாமல் கண்ணீர் வடிக்க வைப்பார்கள் போலிருக்கிறது.. !