தரையில் விழுந்து நொறுங்கிய மிக் விமானம் - 2 விமானிகள் தப்பினர்

By Staff

Published: Wednesday, November 12, 2008, 15:10 [IST]

சிவ்சாகர்: குவஹாத்தி அருகே விமானப்படைக்குச் சொந்தமான மிக் விமானம் தரையில் விழுந்து நொறுங்கியது. அதில் இருந்த இரு விமானிகளும் அதிர்ஷ்டவசமாக உயிர் தப்பினர்.

குவஹாத்தியிலிருந்து 320 கிலோமீட்டர் தொலைவில் உள்ள அரிங்கா என்ற இடத்தில் அந்த மிக் போர் விமானம் விபத்துக்குள்ளாகி விழுந்து நொறுங்கியுள்ளது. அதிர்ஷ்டவசமாக இரு விமானிகளும் பாராசூட் மூலம் குதித்து உயிர் தப்பினர்.

விபத்து நடந்த இடத்திற்கு அதிகாரிகள் விரைந்துள்ளனர். இரு விமானிகளும் ஜோர்ஹட்டில் உள்ள விமானப்படை தளத்திற்கு அழைத்துச் செல்லப்பட்டனர்.

விபத்துக்கான காரணம் தெரியவில்லை. விசாரணைக்கு உத்தரவிடப்பட்டுள்ளது.