எம்ஜிஎம்மை வாங்கும் முயற்சியில் டைம் வார்னர், சோனி!
ஹாலிவுட்: பிரபலமான எம்ஜிஎம் ஸ்டுடியோவை வாங்க நியூஸ் கார்ப் மற்றும் டைம் வார்னர் நிறுவனங்கள் விருப்பம் தெரிவி்த்துள்ளன. இதற்காக எம்ஜிஎம்மின் நடப்பு கணக்குகள், நிதி ஆதாரங்கள் குறித்த ஆய்வில் தீவிரமாக இறங்கியுள்ளன.
ஹாலிவுட்டின் லேண்ட்மார்க் எனப்படும் இந்த புகழ்பெற்ற ஸ்டுடியோ, 4 பில்லியன் டாலர் கடனில் மூழ்கியுள்ளது. இந்த ஆண்டு இந்த கடனை கட்டமுடியாமல் தவிக்கும் எம்ஜிஎம், தனது ஸ்டுடியோவை விற்கவும் தயார் என அறிவித்துள்ளது.
இதனால் எம்ஜிஎம்மை வாங்க டைம் வார்னர் நிறுவனமும் நியூஸ் கார்ப்ஸ் நிறுவனமும் விருப்பம் தெரிவித்துள்ளன.
சோனி நிறுவனமும் எம்ஜிஎம்முக்கு ஆஃபர் விடுத்துள்ளது.
இவற்றில் ஏதேனும் ஒரு நிறுவனம் மட்டும் தனியாக வாங்க விருப்பமும் அதனிடம் வாங்கும் சக்தியும் இருந்தால், அவர்களுக்கு தனது கணக்குகள், நிதி நிலையமை முழுமையாகக் காட்ட எம்ஜிஎம் ஒப்புதல் தெரிவித்துள்ளது.