சென்னை: சமிந்தா வாஸின் அதிரடிப் பந்து வீச்சால் சென்னை சூப்பர் கிங்ஸ் 31 ரன்கள் வித்தியாசத்தில், ஹைதராபாத் டெக்கான் சார்ஜர்ஸ் அணியிடம் வீழ்ந்தது.மற்றொரு போட்டியில் கொல்கத்தா நைட் ரைடர்ஸ் அணி அபாரமாக ஆடி 2வது வெற்றியைப் பெற்றது.நேற்று ஐபிஎல் தொடரில் இரண்டு போட்டிகள் நடந்தன. முதல் போட்டியில் கொல்கத்தா நைட் ரைடர்ஸும், பெங்களூர் ராயல் சேலஞ்சர்ஸ் அணியும் மோதின. இதில் கொல்கத்தா நைட் ரைடர்ஸ் அணியின் ஏஞ்சலோ மாத்யூஸ் அபாரமாக ஆடினார். பந்து வீச்சில் கலக்கிய அவர் நான்கு விக்கெட்களை வீழ்த்தி அணியின் வெற்றிக்கு வழி வகுத்தார். இந்தப் போட்டியில் 7 விக்கெட் வித்தியாசத்தில் கொல்கத்தா வெற்றி பெற்றது.ஈடன் கார்டன் மைதானத்தில் நடந்த போட்டியில், முதலில் ஆடிய ராயல் சேலஞ்சர்ஸ் அணி 7 விக்கெட் இழப்புக்கு 135 ரன்களை எடுத்துச் சுருண்டது. கல்லிஸ் 65 ரன்கள் சேர்த்தாலும் கூட அந்த அணியின் பிற வீரர்கள் சொல்லிக் கொள்ளும்படி ஆடவில்லை. உத்தப்பா 20, டிராவிட் 21 ரன்கள் சேர்த்தனர்.பின்னர் ஆடிய கொல்கத்தா 3 விக்கெட்களை மட்டுமே இழந்து வெற்றிக் கோட்டைத் தொட்டது. அந்த அணியின் மனோஜ் திவாரி 50 ரன்களையும், ஹாட்ஜ் 50 ரன்களையும் விளாசினர்.கேப்டன் கங்குலி 23 ரன்களை எடுத்தார். கடைசி 4 பந்துகள் மீதமிருந்த நிலையில் வெற்றி இலக்கை எட்டியது கொல்கத்தா.மாத்யூஸ் 4 விக்கெட்களை வீழ்த்த முரளி கார்த்திக் 2 விக்கெட்களை அள்ளினார்.சென்னைக்கு முதல் தோல்வி...இரவு 8 மணிக்கு சென்னையில் நடந்த போட்டியில் சென்னை சூப்பர் கிங்ஸும், ஹைதராபாத் டெக்கான் சார்ஜர்ஸ் அணியும் மோதின.முதலில் டெக்கான் சார்ஜர்ஸ் பேட்டிங் செய்தது. அந்த அணியின் தொடக்க ஆட்டக்காரர்கள் விரைவில் வீழ்ந்தாலும் சைமன்ட்ஸும், கிப்ஸும் நிலைத்து ஆடி ரன்களைக் குவித்தனர்.இருவரும் ஆரம்பத்தில் கடைடையைப் போட்டாலும் கூட பொறுமையாக ஆடி ரன்களைக் குவித்தனர். சைமண்ட்ஸ் 50 ரன்களும், கிப்ஸ் 45 ரன்களும் எடுத்தனர். இருவரும் சேர்ந்து 95 ரன் சேர்த்தனர். இந்த மூன்றாவது விக்கெட் பார்ட்னர்ஷிப்தான் அணி நான்கு விக்கெட் இழப்புக்கு 190 ரன்கள் என்ற கெளரவமான இலக்கை எட்ட உதவியது.கேப்டன் கில்கிறைஸ்ட் 38 ரன்கள் எடுத்தார். ரோஹித் சர்மா 19 ரன்கள் சேர்த்தார்.பின்னர் ஆடிய சென்னை சூப்பர் கிங்ஸ் 9 விக்கெட் இழப்புக்கு 159 ரன்களை மட்டுமே எடுத்துத் தோல்வியைத் தழுவியது.கேப்டன் டோணி 42 ரன்களை எடுத்தார். அல்பி மார்க்கல் 42 ரன்கள் சேர்த்தார். கெம்ப் 22 ரன்கள் சேர்த்தார். ஹெய்டன் 17 ரன்களில் வீழ்ந்தார். பாலாஜி 15 ரன்களைச் சேர்த்துக் கொடுத்தார். ஆனால் தொடக்க வீரர்கள் சொதப்பியதால் சென்னை வீழ்ச்சியைச் சந்தித்தது.ஐபிஎல் 3 - அணிகள் பெற்ற புள்ளிகள் விவரம்:அணி - போட்டிகள்- வெற்றி - தோல்வி- முடிவில்லாதது- ரன் ரேட்-புள்ளிகள்கொல்கத்தா - 2 - 2 - 0 - 0 - (+0.426) - 4ஹைதராபாத் - 2 - 1 - 1 - 0 - (+0.500) - 2டெல்லி - 1 - 1 - 0 - 0 - (+0.261) - 2மும்பை - 1 - 1 - 0 - 0 -( +0.200) - 2ராஜஸ்தான் - 1 - 0 - 1- 0 - (-0.200) - 0பஞ்சாப் - 1 - 0 - 1 - 0 - (-0.261) - 0பெங்களூர் - 1 - 0 - 1 - 0 - (-0.284) - 0சென்னை - 1 - 0 - 1 - 0 - (-1.550) - 0 #13;