பெப்சி குறும்பட போட்டியில் வென்ற மும்பை இயக்குநர்

By Sutha

Published: Friday, December 3, 2010, 15:04 [IST]

பனாஜி: பெப்சி நிறுவன விளம்பரத்தில் பயன்படுத்துவதற்காக நடத்தப்பட்ட குறும்படப் போட்டியில் மும்பையைச் சேர்ந்த இயக்குநர் வெற்றி பெற்றுள்ளார்.

இங்கிலாந்தைச் சேர்ந்த எம்.ஓ. பிலிம்ஸ் ஏகப்பட்ட பன்னாட்டு நிறுவனங்களுக்கு விளம்பரம் செய்து வருகிறது. இந்நிலையில் அது பெப்சி விளம்பரப் படத்தில் பயன்படுத்துவதற்காக குறும்படப் போட்டி ஒன்றை நடத்தியது. இந்தப் போட்டியில் 117 பேர் கலந்து கொண்டனர்.

இதில் பரோடாவைச் சேர்ந்த ராஹில் படேலின் 1 நிமிட குறும்படத்திற்கு முதல் பரிசு கிடைத்தது. இதன்மூலம் ராஹில் இயக்குநர் இந்தி திரைப்பட இயக்குனர் விஷால் பரத்வாஜின் அடுத்த படத்தில் உதவி இயக்குநராக ஒப்பந்தம் ஆகியுள்ளார்.