இலங்கை முன்னாள் பாதுகாப்பு அமைச்சர் அனுருத்த ரத்வத்தே மரணம்

By Chakra

Published: Thursday, November 24, 2011, 15:08 [IST]

கொழும்பு: இலங்கையின் முன்னாள் பாதுகாப்புத்துறை துணை அமைச்சர் அனுருத்த ரத்வத்தே (73) இன்று காலமானார்.

கடந்த செவ்வாய்க்கிழமை வீட்டினுள் விழுந்து தலையில் பலத்த காயமடைந்த அவர் கண்டி பொது மருத்துவமனையின் தீவிர சிகிச்சைப் பிரிவில் அனுமதிக்கப்பட்டார்.

அவருக்கு நரம்பியல் நிபுணர்கள் சிகிச்சை அளித்து வந்த நிலையில் இன்று அவர் சிகிச்சை பலனின்றி காலமானார்.

அதிபர் சந்திரிகா குமாரதுங்காவின் அமைச்சரவையில் இவர் பாதுகாப்புத்துறை துணை அமைச்சராகவும், எரிசக்தித்துறை இணையமைச்சராகவும் இருந்தார்.

இவரது மகன் லோகன் ரத்வத்தே தான் இப்போது அதிபர் ராஜபக்சேவின் கட்சியின் கண்டி மாகாணத்துக்கான நாடாளுமன்ற உறுப்பினராக உள்ளார்.