More Tamil Updates on: http://m.oneindia.in/tamil/
அகமதாபாத்: குஜராத் முதல்வர் நரேந்திர மோடியின் டிவிட்டர் ஆதரவாளர்கள் எண்ணிக்கை கிடுகிடுவென உயர்ந்து கொண்டிருக்கிறது. அவரது பாலோயர்களின் எண்ணிக்கை தற்போது 8 லட்சத்தைத் தாண்டியுள்ளது.
இந்திய அரசியல்வாதிகளிலேயே டிவிட்டர் போன்ற சமூக வலைத்தளங்களில் மோடிக்குத்தான் பெரும் ஆதரவு காணப்படுகிறதாம்.
இந்த நிலையில் ஜூலை 30ம் தேதி நிலவரப்படி மோடியின் ஆதரவாளர்கள் எண்ணிக்கை டிவிட்டரில் 8 லட்சத்தைத் தாண்டி விட்டது. ஆட்சி நிர்வாகத்திற்கும், வளர்ச்சித் திட்டங்களுக்கும் டிவிட்டர், பிளாக், இன்டர்நெட் போன்றவற்றை பெரிதும் பயன்படுத்தி வருகிறார் மோடி என்பது குறிப்பிடத்தக்கது.
மோடியின் டிவிட்டர் பக்கம் 2009ம் ஆண்டு ஜனவரி 10ம் தேதி தொடங்கியது. அதன் பிந்னர் 2011 நவம்பர் 11ம் தேதி 4 லட்சம் ஆதரவாளர்களை எட்டினார் மோடி. தற்போது 8 லட்சமாக இது உயர்ந்துள்ளது.
