ஒலிம்பிக் பாட்மிண்டன்: காலிறுதியில் இந்தியாவின் சாய்னா நேவால்

லண்டன்: லண்டன் ஒலிம்பிக் பாட்மிண்டன் போட்டியில் நேற்று நடைபெற்ற காலிறுதிக்கு முந்தைய சுற்று ஆட்டத்தில் இந்தியாவின் சாய்னா நேவால் வெற்றி பெற்று காலிறுதிக்குத் தகுதி பெற்றுள்ளார்.

நேற்றைய போட்டியில் 21-14, 21-16 என்ற செட்களில் நெதர்லாந்து வீராங்கனை ஜீ யாவோவை வீழ்த்தினார்.

ஆட்டத்தின் தொடக்கத்தில் ஆதிக்கம் செலுத்திய சாய்னாவுக்கு இரண்டாவது செட் நெருக்கடியாக இருந்தது. ஆனாலும் உஷாராக ஆடிய சாய்னா இறுதியில் வெற்றிபெற்றார்.

இன்று நடைபெற உள்ள காலிறுதி ஆட்டத்தில் சாய்னா, டென்மார்க்கின் டின் பான் அல்லது ஜப்பானின் சயாகா சட்டோ ஆகிய இருவரில் ஒருவருடன் மோதுகிறார். ஒலிம்பிக் போட்டிகளில் சாய்னா நேவால் காலிறுதியில் பங்கேற்பது 2-வது முறை.