9 ஆண்டுகள்தான், ஆனால் திமுக செய்த சாதனைகளைப் பாரீர்.. பெருமிதப்படும் திருச்சி சிவா!

தமிழ்நாட்டில் உள்ள தேசிய நெடுஞ்சாலைகளை அகலப்படுத்தி 4 வழி சாலையாக மாற்றியது. தங்க நாற்கர சாலையை விரைவு படுத்தி முடித்தது. மதுரவாயல்-துறைமுகம் இடையே ரூ.1655 கோடியில் பறக்கும் சாலை திட்டம், சென்னை கத்திப்பாரா மேம்பாலம், கோயம்பேடு மேம்பாலம், பாடி மேம்பாலம், மீனம்பாக்கம் விமான நிலைய மேம்பாலம் என சாலை அபிவிருத்தியில் தமிழ்நாட்டிற்கு முன்னுரிமை கொடுத்து செயல்படுத்தியது.

சென்னை விமான நிலைய விரிவாக்கம், நெம்மேலி கடல்நீரை குடிநீராக்கும் திட்டம், கிழக்கு கடற்கரை சாலையில் கடல் சார் பல்கலைக் கழகம், தாம்பரம் தேசிய சித்த மருத்து வமனை உள்பட பல்வேறு திட்டங்களை எடுத்துக் காட்டாக கூறலாம்.

மத்திய அரசின் தேசிய ஊரக வேலை வாய்ப்பு திட்டத்தை இந்தியாவிலேயே தமிழ்நாட்டில்தான் சிறந்த முறையில் செயல்படுத்தியது என்ற பெருமை திமுகவுக்கு உண்டு. சுப்ரீம் கோர்ட்டே இதை பாராட்டியது.

சென்னை மெட்ரோ ரயில் திட்டம், ஓரகடத்தில் வாகனங்களுக்கான தேசிய ஆராய்ச்சி மையம் மற்றும் பல்வேறு தொழிற்சாலைகள் கொண்டு வந்தது.

இன்று பாமரர் கையிலும் செல்போன் இருக்கும் வகையில் கட்டணத்தை குறைத்து இந்தியா முழுவதும் குறைந்த கட்டணத்தில் பேச வழிவகை செய்தது தி.மு.க.வின் சாதனையாகும். இந்த பட்டியலை அடுக்கி கொண்டே போகலாம் என்றார் சிவா.