ரமலான் நோன்பு: இனி இப்தார் விருந்தில் பிட்ஸா, பர்கர் மற்றும் கேக்கும் கிடைக்கும்..!

லக்னோவில் உள்ளது ஹூசைனாபாத் தொண்டு நிறுவனம். நோன்பிருக்கும் இஸ்லாமியர்களுக்கு வித்தியாசமான விருந்தளிக்க திட்டமிட்ட இந்நிறுவனம், இப்தார் விருந்தில் ஒரு புதுமையைப் புகுத்தியுள்ளது.

அதன் படி, வித்தியாசமான சுவைகள் கொண்ட பீட்சா, பர்கர், கேக் போன்றவைகளை இம்முறை இப்தார் விருந்தில் பரிமாற இருப்பதாக இத்தொண்டு நிறுவன அதிகாரிகள் தெரிவித்துள்ளனர்.

மற்ற ஆண்டுகளை விட இந்த ஆண்டு விருந்திற்கான நிதி உதவி ரூ. 10 லட்சமாக அதிகரிக்கப்பட்டதால் இந்த திட்டம் செயல்படுத்தப்படுவதாக தெரிவிக்கப்பட்டுள்ளது.

பீட்ஸா, பர்கர் மற்றும் கேக் விருந்து லக்னோவில் உள்ள 12 மசூதிகளிலும் அனைத்து நோன்பு பிரிவினருக்கும் ஒரே நாளிலோ அல்லது ஒவ்வொரு மசூதியிலும் ஒவ்வொரு நாளாகவோ அளிக்கப்படும் என அறிவிக்கப் பட்டுள்ளது.

இந்த வித்தியாசமான இப்தார் விருந்தில் ஒவ்வொரு மசூதியில் இருந்தும் மொத்தம் 1000 முதல் 1500 பேர் இடம் பெறுவார்கள் என்பதும் குறிப்பிடத்தக்கது.