நீரா ராடியா என்னை சந்தித்துள்ளார், ஆனால் அவருடன் போனில் பேசியதாக நினைவு இல்லை: ராசா சாட்சியம்

டாடா குழுமம் குறித்து பேச நிறுவனங்களின் முன்னாள் தரகரான நீரா ராடியா, டாடா குழும சேர்மன் ரத்தன் டாடாவுடன் வந்து என்னை என் இல்லத்தில் சந்தித்து பேசினார். ராடியா வனத்துறை மற்றும் தொலைத்தொடர்புத் துறை அமைச்சக அலுவலங்களில் என்னை இரண்டு முறை சந்தித்துள்ளார்.

ராடியாவுடன் தொலைபேசியில் பேசியதாக ஞாபகம் இல்லை. மேலும் அவர் என்னை தொலைபேசியில் தொடர்பு கொண்டாரா என்பதும் நினைவில் இல்லை. ஆனால் நான் ஒரு முறை கூட அவரை தொலைபேசியில் தொடர்பு கொள்ள முயற்சி செய்யவில்லை.

கலைஞர் டிவி கடந்த 2007ம் ஆண்டு துவங்கப்பட்டது. அந்த டிவி நிகழ்ச்சிகளை பார்ப்பதால் அது பற்றி தெரியும். ஆனால் அதை யார் நிர்வகிக்கிறார்கள் என்பது எனக்கு தெரியாது.

ராஜ்யசபா உறுப்பினர் என்ற முறையில் டெல்லியில் உள்ள என் வீட்டிற்கு கனிமொழி வந்துள்ளார் என்றார் ஆ.ராசா.