ஏர் இந்தியா ஊழியர்கள் பார்ட்டியில் பிசி... 3 மணி நேரம் விமானம் தாமதம் - பயணிகள் அவதி

இந்நிலையில், மீண்டும் ஏர் இந்தியா தலைவருக்கு அகில இந்திய பொறியாளர் சங்கம் மீண்டும் ஒரு கடிதம் எழுதி அனுப்பியுள்ளது. அத்துடன் வீடியோ ஆதாரம் ஒன்றையும் இணைத்து அனுப்பியுள்ளது.

1 நிமிடம் 4 வினாடிகள் ஓடக்கூடிய அந்த வீடியோவில், கடந்த டிசம்பர் மாதம் ஏர் இந்தியா மூத்த அதிகாரியின் பதவி உயர்வு பார்ட்டியில் 20-க்கும் மேற்பட்ட ஊழியர்கள் பாடல் ஒன்றுக்கு நடனம் ஆடிய காட்சிகள் பதிவாகியுள்ளது.

பார்ட்டியில் கலந்து கொண்ட ஊழியர் ஒருவர் இதை வீடியோ எடுத்துள்ளார். விமான ஊழியர்கள் அந்த வீடியோவை தங்களுக்குள் அனுப்பிய போது எதேச்சையாக இது பொறியாளர்கள் சங்கத்திற்குக் கிடைத்துள்ளது.

விமானம் தாமதத்தால் பயணிகள் தவித்துக்கொண்டிருக்கையில், அந்த விமானத்தில் இருக்க வேண்டிய ஊழியர்களோ விருந்து நிகழ்ச்சியில் கலந்துகொண்டு ஆட்டம் போட்ட சம்பவம் உயர் அதிகாரிகளுக்கு சிக்கலை ஏற்படுத்தியுள்ளது.