"அம்மா" உணவக இட்லிக்கு கர்நாடகத்து கடத்தல் அரிசியா?

கடந்த பாஜக ஆட்சியின்போது அன்ன பாக்யா திட்டம் தொடங்கப்பட்டது. இதற்காக ஒதுக்கப்படும் அரிசி தற்போதைய காங்கிரஸ் அரசின் அலட்சியப் போக்குக் காரணமாக தமிழகத்திற்குப் போய்க் கொண்டுள்ளது. இந்த அரிசியிலிருந்துதான் அம்மா இட்லியை தயாரித்து விற்கிறது தமிழக அரசு.

சில இடைத் தரகர்கள் அன்ன பாக்யா அரிசியை தமிழகத்திற்கும், பிற மாநிலங்களுக்கும் கடத்துகிறார்கள்.

கர்நாடக - தமிழக எல்லையில் போய் நின்றால் எத்தனை லாரிகளில் அரிசி போகிறது என்பதை நேரடியாகவே கண்டுபிடிக்கலாம்.

இந்தக் கடத்தல் குறித்து கர்நாடக அரசின் கவனத்திற்குக் கொண்டு வந்தும் கூட அவர்கள் கண்டும் காணாமலும் உள்ளனர்.

யாருடைய மரணத்தையும் நாம் தனிப்பட்ட துவேஷங்களுக்கு பயன்படுத்தக் கூடாது. நாங்கள் மறைந்த யு.ஆர். அனந்தமூர்த்தி மீது மதிப்பு வைத்துள்ளோம். எங்களது தலைவர்கள் பலரும் அனந்தமூர்த்தியின் மறைவுக்கு இரங்கல் தெரிவித்துள்ளனர். அனந்தமூர்த்தியின் மறைவைத் தொடர்ந்து மங்களூரில் சிலர் பட்டாசு வெடித்துள்ளனர். அது தவறு. ஆனால் அவர்கள் எங்களது ஆட்கள் அல்ல என்றார் ஷோபா.