லோக்சபா தேர்தலில் பிசியாக இருக்கும் நடிகர், நடிகைகள்
சென்னை: நாடாளுமன்ற தேர்தலில் திரை உலக பிரபலங்கள் பலர் போட்டியிடுவதுடன் பிரச்சாரமும் செய்கிறார்கள்.
நாடாளுமன்ற தேர்தல் நடந்து கொண்டிருக்கிறது. இந்த தேர்தலில் நடிகைகள் ஹேமமாலினி, நக்மா, கிரண் கேர், நடிகர் ஜாவித் ஜாப்ரி உள்ளிட்டோர் போட்டியிடுகிறார்கள்.
மேலும் பல நடிகர், நடிகைகள் பிரச்சாரம் செய்து வருகிறார்கள்.
நக்மா
நடிகை நக்மா உத்தர பிரதேச மாநிலம் மீரட் தொகுதியின் காங்கிரஸ் வேட்பாளர் ஆவார். அவர் பிரச்சாரத்திற்கு சென்ற இடத்தில் பேசியதைவிட அவர் பட்டபாடுகளை பற்றி தான் மக்கள் அதிகம் பேசுகிறார்கள்.
ராஜ் பாபர்
நடிகரும், காங்கிரஸாருமான ராஜ் பாபர் மீரட்டில் நக்மாவுக்காக பிரச்சாரம் செய்தார். ராஜ் காசியாபாத் தொகுதியில் போட்டியிடுகிறார் என்பது குறிப்பிடத்தக்கது.
குல் பனாக்
ஆம் ஆத்மி கட்சி சார்பில் சண்டிகரில் முன்னாள் இந்திய அழகியும், நடிகையுமான குல் பனாக் போட்டியிடுகிறார்.
ராக்கி சாவந்த்
இந்தி கவர்ச்சி நடிகை ராக்கி சாவந்த் ராஷ்ட்ரிய ஆம் ஆத்மி கட்சியை துவங்கி நாடாளுமன்ற தேர்தலில் பச்சை மிளகாய் சின்னத்தில் போட்டியிடுகிறார்.
ஸ்ரீதேவி
நடிகை ஸ்ரீதேவி தனது கணவரும், பட தயாரிப்பாளருமான போனி கபூருடன் சேர்ந்து ராஷ்ட்ரிய லோக்தள் கட்சி வேட்பாளர் அமர் சிங்கிற்கு ஆதராவக பத்தேஹ்பூர்சிக்ரியில் பிரச்சாரம் செய்தார்.
அனில் கபூர்
இந்தி நடிகர் அனில் கபூர் சண்டிகரில் போட்டியிடும் பாஜக வேட்பாளரான நடிகை கிரண் கேருக்கு வாக்கு சேகரித்தார்.
விவேக் ஓபராய்
நடிகர் விவேக் ஓபராய் பாஜக வேட்பாளர் நிதின் கட்காரிக்கு ஆதரவாக நாக்பூரில் திறந்த ஜீப்பில் பிரச்சாரம் செய்தார்.
ஜாவித்
லக்னோவில் ஆம் ஆத்மி கட்சி சார்பில் போட்டியிடும் பாலிவுட் நகைச்சுவை நடிகர் ஜாவித் ஜாப்ரி பைக்கில் வாக்கு சேகரித்தார்.
அனுபம் கேர்
தனது மனைவி கிரண் கேருக்கு ஆதரவாக நடிகர் அனுபம் கேர் இளம் தலைமுறையினரிடம் வாக்கு சேகரித்தபோது எடுத்த படம்.
மோனிகா பேடி
நடிகை மோனிகா பேடி காங்கிரஸ் வேட்பாளர் ஆச்சார்யா பிரமோத் கிருஷ்ணமுக்கு ஆதரவாக பிரச்சாரம் செய்தார்.
ஹேமமாலினி
உத்தர பிரதேசம் மாநிலம் மதுரா தொகுதியில் பாஜக சார்பில் நடிகை ஹேமமாலினி போட்டியிடுகிறார். இதையடுத்து அவர் மக்களை சந்தித்து வாக்கு கேட்டு வருகிறார்.
கிரண்
நடிகை கிரண் கேர் சண்டிகரில் பிரச்சாரம் செய்தபோது தனது கணவருடன் பேசி மகிழ்கிறார்.
பாரேஷ் ராவல்
குஜராத் மாநிலம் அகமதாபாத் தொகுதியில் பாஜக சார்பில் போட்டியிடும் இந்தி நடிகர் பாரேஷ் ராவல் திறந்த வாகனத்தில் பிரச்சாரம் செய்தார்.
சத்ருகன் சின்ஹா
லோக்சபா தேர்தலில் போட்டியிடும் நடிகர் சத்ருகன் சின்ஹா தனது மனைவியுடன் பாட்னாவில் பிரச்சாரம் செய்தார்.
ரதி
நடிகைகள் ரதி மற்றும் பாக்யஸ்ரீ ஆகியோர் மகாராஷ்டிரா மாநிலம் வர்தாவில் போட்டியிடும் காங்கிரஸ் வேட்பாளர் சாகர் மெகேவுக்கு வாக்கு சேகரித்தனர்.