தே.ஜனநாயக கூட்டணிக்கு திரும்புகிறது தெலுங்கு தேசம்! ராஜ்நாத்தை சந்திக்கிறார் சந்திரபாபு!!

By Mathi

Published: Saturday, September 21, 2013, 12:00 [IST]

10 ஆண்டுகளுக்கு முன்பு தெலுங்கு தேசம் கட்சி, தேசிய ஜனநாயகக் கூட்டணியில் இடம்பெற்றிருந்தது. பின்னர் அதில் இருந்து வெளியேறியது. இந்த நிலையில் இன்று தெலுங்கு தேசம் கட்சித் தலைவர் சந்திரபாபு நாயுடு டெல்லியில் ராஜ்நாத்தை சந்தித்துப் பேச இருக்கிறார்.

இந்த சந்திப்பின் போது தேசிய ஜனநாயகக் கூட்டணியில் இடம்பெறுவது குறித்து ஆலோசிக்கப்படலாம் என்கிறது பாஜக வட்டாரங்கள். ஆனால் தெலுங்கு தேசம் கட்சியினரோ, தெலுங்கானா விவகாரம் தொடர்பாக மட்டுமே பாஜக தலைவர் ராஜ்நாத்தை சந்திரபாபு சந்திக்க இருக்கிறார் என்று கூறுகின்றனர்.

குஜராத் முதல்வர் நரேந்திர மோடியை பாஜக பிரதமர் வேட்பாளராக அறிவித்துள்ள நிலையில் தெலுங்கு தேசம் கட்சி, தேசிய ஜனநாயகக் கூட்டணியில் இணைந்தால் முக்கியத்துவம் வாய்ந்த நிகழ்வாக கருதப்படும்.