இது ஒன்னு தான் நியூஸா?: 6 வயது சிறுமி பலாத்காரம் குறித்து கர்நாடக முதல்வர் சித்தராமையா கேள்வி
பெங்களூர்: 6 வயது சிறுமி பலாத்காரம் செய்யப்பட்டது குறித்து கேட்டதற்கு கர்நாடக முதல்வர் சித்தராமையா இது ஒரு செய்தி தானா இருக்கிறது என்று கோபமாக கேட்டுள்ளது பலரையும் அதிர்ச்சி அடைய வைத்துள்ளது.
பெங்களூரில் உள்ள விப்ஜியார் பள்ளியில் படித்த 6 வயது சிறுமி பாலியல் பலாத்காரம் செய்யப்பட்டது பெரும் சர்ச்சையை கிளப்பியுள்ளது. இந்த சம்பவத்தை கண்டித்து பெங்களூரில் தொடர் போராட்டங்கள் நடந்து வருகிறது.
சிறுமியை பலாத்காரம் செய்த ஸ்கேடிங் பயிற்சியாளர் முஸ்தபா கைது செய்யப்பட்டார். அவரது லேப்டாப்பில் பள்ளி சீருடையில் உள்ள சிறுமிகள் பலாத்காரம் செய்யப்படும் வீடியோக்கள் இருந்தன.
இதற்கிடையே முஸ்தபா முறை தவறி நடந்ததால் தான் முந்தைய பள்ளியில் இருந்து பணிநீக்கம் செய்யப்பட்டது தெரிய வந்துள்ளது. இந்நிலையில் செய்தியாளர்கள் இது குறித்து கர்நாடக முதல்வர் சித்தராமையாவிடம் கேட்டனர்.
அதற்கு அவர் கூறுகையில்,
இது தொடர்பாக தேவைப்படும் நடவடிக்கைகள் எடுக்கப்படும். இந்த ஒரு செய்தி மட்டும் தான் இருக்கிறது? என்றார்.