ஆளே இல்லாத கடையில் எதுக்கு டீ ஆத்தனும்.. மோடி டீக்கடை பிரசாரம் ரத்து!

டீ குடித்துக் கொண்டே மோடி மக்களுடன் கலந்துரையாடும் நிகழ்ச்சிகளுக்கு ஏற்பாடு செய்தது பா.ஜ. க.

முதலில் இதை 300 நகரங்களில் 1500 இடங்களில் நேரடியாக ஒளிபரப்பி அசத்தினர்.

டிடிஎச், செயற்கைக் கோள், இன்டர்நெட், செல்போன், பேஸ் புக் என பலவிதமான டெக்னிக்கல் மேட்டர்களை இதற்காகப் பயன்படுத்தினர்.

இப்படியே ஐந்து நாட்களுக்கு ஒருமுறை டீக்கடை பெஞ்ச்சில் அமர்ந்து 2 கோடி பேர் வரை டீ கூட்டத்தை நடத்த இலக்கும் நிர்ணயிக்கப்பட்டது.

ஆனால் இதுவரை 3 கூட்டங்களை மட்டுமே நடத்தியுள்ளனர். மறுபடியும் கூட்டம் எதுவும் நடப்பதாக தெரியவில்லை.

மக்களிடையே இந்த டீக்கடை கூட்டங்களுக்கு ஆதரவு கிளம்பாததால் கூட்டங்களை பாஜக சத்தம் போடாமல் கைவிட்டு வி்ட்டதாக கூறுகிறார்கள்.

அது சரி ஆளே இல்லாத டீக்கடையில் எத்தனை நாளைக்குத்தான் டீ ஆத்துறது...