திடீர் மயக்கம்: அமைச்சர் சதானந்த கவுடாவின் மருமகள் என கூறிய நடிகை மருத்துவமனையில் அனுமதி

செய்தியாளர்களை சந்தித்த பிறகு மைத்ரியா பெங்களூர் ஆர்.டி. நகர் காவல் நிலையத்தில் கார்த்திக் கவுடா மீது பாலியல் பலாத்காரம் மற்றும் மோசடி புகார் கொடுத்தார். அவரின் புகாரின்பேரில் போலீசார் கார்த்திக் மீது பலாத்கார வழக்குப்பதிவு செய்தனர்.

மைத்ரியா கவுடா சொல்வது எல்லாம் பொய். அவர் வெளியிட்ட புகைப்படங்கள் போலியானவை என்று கார்த்திக் தெரிவித்தார்.

சாண்டல்வுட்டில் வளர்ந்து வரும் நடிகையான மைதிர்யா சீப் பப்ளிசிட்டி தேடுவதாக கார்த்திக்கின் நண்பர்கள் அவர் மீது குற்றம்சாட்டியுள்ளனர்.

மத்திய அமைச்சரின் மகன் தன்னை ஏமாற்றிவிட்டதாக கூறி பரபரப்பை ஏற்படுத்திய மைத்ரியா திடீர் என்று மயங்கி விழுந்தார். இதையடுத்து அவர் தற்போது பெங்களூரில் உள்ள மருத்துவமனை ஒன்றில் அனுமதிக்கப்பட்டுள்ளார்.

மைத்ரியா வீக்காக இருப்பதால் தான் மயங்கியதாக கூறப்படுகிறது. அவர் மருத்துவமனையில் சிகிச்சை பெறும் காட்சியை உள்ளூர் தொலைக்காட்சி சேனல் ஒன்று ஒளிபரப்பியுள்ளது.