100 நாள் மோடி அரசு: சென்னை, கொல்கத்தாவில் மார்க் குறைவு- பெங்களூர், புனேயில் சூப்பர் பாஸ்!!

நகரங்களைப் பொறுத்தவரையில் மோடி அரசு வாக்குறுதிகளை நிறைவேற்றுகிறது என 82% கூறியுள்ளனர். அதே நேரத்தில் சென்னையிலோ வெறும் 2% பேர் மட்டுமே அப்படியான ஒரு கருத்தை வெளிப்படுத்தியுள்ளனர். கொல்கத்தாவிலோ ஒரு சதவீதத்துக்கும் குறைவானோரே மோடி அரசு வாக்குறுதிகளை நிறைவேற்றியிருப்பதாக கூறியுள்ளனர்.

மோடி அரசு கடந்த ஆட்சிகளில் இருந்து முழுமையாக மாறுபடுகிறது என டெல்லியில் 18%, மும்பையில் 48%, கொல்கத்தாவில் 43%, சென்னையில் 21%, பெங்களூரில் 40%, ஹைதராபாத்தில் 74%, புனேவில் 40% பேர் கருத்து தெரிவித்துள்ளனர். சராசரியாக 45% பேர் மோடி அரசு மாறியுள்ளது என்று கூறியுள்ளனர்.

மோடி அரசு இன்னும் திறமையாக செயல்பட வேண்டும் என டெல்லியில் 47%, மும்பையில் 37%, கொல்கத்தாவில் 34%, சென்னையில் 55%, பெங்களூரில் 57%, ஹைதராபாத்தில் 22%, அகமதாபாத்தில் 23%, புனேயில் 59% பேர் கருத்து தெரிவித்திருக்கின்றனர். சராசரியாக மொத்தம் 42% பேர் மோடி அரசு இன்னும் திறமையாக செயல்பட வேண்டும் என்று கருத்து தெரிவித்துள்ளனர்.

அதே நேரத்தில் மோடி அரசு பற்றி எதுவும் சொல்வதற்கில்லை என டெல்லியில் 35%, மும்பையில் 14%, கொல்கத்தாவில் 24%, சென்னையில் 24%, பெங்களூரில் 3%, ஹைதராபாத்தில் 4%, அகமதாபாத்தில் 4%, புனேயில் 1% கூறியுள்ளனர்.

மோடி அமைச்சரவை எப்படியானது என்ற கேள்விக்கு 45% பேர் நன்றாக இருகிறது; 44% பேர் அத்வானி, முரளி மனோகர் ஜோஷி போன்ற மூத்த தலைவர்களையும் சேர்த்திருக்கலாம்; 11% படுமோசம் என்று கருத்து தெரிவித்துள்ளனர்.

மோடி ஆட்சிக் காலத்தில் பாகிஸ்தானை இந்தியா கையாளும் விதம் குறித்து 13% அற்புதமாக கையாளுகிறது என்றும் 38% பேர் பாராட்டுக்குரியது என்றும் தெரிவித்துள்ளனர். 50% பேர் பரவாயில்லை, படுமோசம் என கலந்து பதிலளித்துள்ளனர்.

முந்தைய மன்மோகன்சிங் அரசை ஒப்பிடுகையில் சிறப்பான ஆட்சி என்று 58% பேரும் 8% படு மோசம் என்றும் கூறியுள்ளனர்.

காங்கிரஸ் கட்சிக்கு எதிர்க்கட்சி அந்தஸ்து மறுக்கப்பட்டதை சரி என 63% பேர் கூறியுள்ளனர். இவ்வாறு டைம்ஸ் ஆப் இண்டியா கருத்து கணிப்பில் தெரிவிக்கப்பட்டுள்ளது.