ஸ்பைஸ்ஜெட் விமானத்தில் உள்ளூர் பயணங்களுக்கான கட்டணம் ரூ. 499 மட்டுமே.. வரிகள் தனி!

இந்த சலுகையை அடுத்த ஆண்டு ஜனவரி 16ம் தேதி முதல் 24ம் தேதி வரை பயன்படுத்திக் கொள்ள முடியும். இந்த சலுகைக்கான முன்பதிவு செப்டம்பர் 1ம் தேதி அதாவது இன்று தொடங்கியுள்ளது. 3 நாட்களுக்கு முன்பதிவு நடைபெறும்.

நாடு முழுவதும் பல்வேறு ஊர்களுக்குப் பயணம் செய்ய விரும்புவோர் இந்த சலுகையைப் பயன்படுத்திக் கொள்ளளாம். இந்த கட்டணமானது அடிப்படைக் கட்டணம் மட்டுமே. அதேசமயம், பிற வரிகள், கட்டணங்கள் இதில் அடங்காது.

ஸ்பைஸ்ஜெட்டின் நேரடி மற்றும் இணைப்பு விமானங்களில் இந்த சலுகையைப் பெறலாம்.

கடந்த வாரம் இதேபோல, ரூ. 1888க்கு ஒரு சலுகைக் கட்டணத்தை இந்த நிறுவனம் அறிவித்திருந்தது நினைவிருக்கலாம்.

சன் டிவியின் கலாநிதி மாறன் நடத்தி வரும் ஸ்பைஸ்ஜெட் நிறுவனம், 49 நகரங்களுக்கு 340 விமான சேவைகளை வைத்துள்ளது என்பது குறிப்பிடத்தக்கது. இதில் 8 நகரங்கள், வெளிநாடுகளைச் சேர்ந்தவையாகும்.