டெல்லியில் பொது இடத்தில் துப்பினால், உச்சா போனால், குப்பை போட்டால் 'ஃபைன்'

தெருக்கள் மற்றும் பொது இடங்களில் ஆட்கள் நிறுத்தி வைக்கப்படுவார்கள். யாராவது குப்பை போட்டால் அவர்களை பிடித்து உடனடியாக அபராதம் விதிப்பார்கள். அந்த அபராத தொகை மாநகராட்சியிடம் வழங்கப்படும் என்று வடக்கு டெல்லி மேயர் யோகேந்தர் சந்தோலியா தெரிவித்துள்ளார்.

மக்கள் பொது இடங்களில் குப்பை போட்டால் மட்டும் அல்ல சிறுநீர் கழித்தாலோ, எச்சில் துப்பினாலோ அபராதம் விதிக்கப்படும் என்று சந்தோலியா தெரிவித்துள்ளார்.

செல்லப் பிராணிகள் பொது இடங்களில் மல, ஜலம் கழித்தால் அதன் உரிமையாளர்களுக்கு ரூ. 500 அபராதம் விதிக்கபடுகிறது.

மக்கிப் போகும் குப்பைகளை முறையாக அப்புறப்படுத்தாத மருத்துவமனைகளுக்கு கடும் அபராதம் விதிக்கும் வகையில் மாநகராட்சி சட்டத்தில் திருத்தம் செய்யப்படும் என்று தெற்கு டெல்லி மாநகராட்சி மூத்த அதிகாரி ஒருவர் தெரவித்தார்.

டெல்லியில் குப்பை ஒரு பெரிய பிரச்சனையாகிவிட்டது. சேகரிப்படும் குப்பைகளில் 85 சதவீதம் தெருக்களில் இருந்து தான் எடுக்கப்படுகின்றன என்பது குறிப்பிடத்தக்கது.